ప్రభుత్వ విప్ ఆది శ్రీనివాస్ రేపటి పర్యటన వివరాలు

సిరిసిల్ల, తెలంగాణ ముచ్చట్లు:
ప్రభుత్వ విప్ మరియు వేములవాడ శాసనసభ్యులు ఆది శ్రీనివాస్ మంగళవారం రోజున సిరిసిల్ల జిల్లాలో పర్యటించనున్నారు. ఈ పర్యటనలో ఆయన వివిధ కార్యక్రమాల్లో పాల్గొననున్నారు.

ఉదయం 9:00 గంటలకు సిరిసిల్ల జిల్లా కేంద్రంలో ప్రెస్ క్లబ్ నుండి గాంధీ చౌరస్తా మీదుగా అంబేద్కర్ చౌరస్తా వరకు “జై బాపు, జై భీమ్, జై సోవిధాన్” ర్యాలీలో పాల్గొననున్నారు. ఈ ర్యాలీ రాజ్యాంగ పరిరక్షణ కోసం నిర్వహించబడుతుంది.

తర్వాత ఉదయం 10:30 గంటలకు సిరిసిల్ల జిల్లా కేంద్రంలో లహరి గ్రాండ్ హోటల్‌లో రాజన్న సిరిసిల్ల జిల్లా కాంగ్రెస్ పార్టీ సర్వసభ్య సమావేశంలో పాల్గొననున్నారు. ఈ సమావేశంలో పార్టీ కార్యకర్తలు, నాయకులతో పార్టీ కార్యక్రమాలపై చర్చలు జరగనున్నాయి.

మధ్యాహ్నం 01:30 నిమిషాలకు ఆయన రాజన్న సిరిసిల్ల కలెక్టర్ కార్యాలయంలో సమావేశం నిర్వహించనున్నారు, ఇందులో జిల్లా అభివృద్ధి సంబంధిత అంశాలు చర్చించబడతాయి.

సాయంత్రం 04:00 గంటకు, కోనరావుపేట మండల నిజామాబాద్ గ్రామంలో రైతు వేదికలో భూ భారతి అవగాహన సదస్సులో పాల్గొనటానికి ఆయన సిద్ధంగా ఉన్నారు.ఈ పర్యటన సందర్భంగా ఆయన ఇతర ముఖ్యమైన కార్యక్రమాలలో కూడా పాల్గొననున్నారు.