డీజీపీ రేసులో 8 మంది

యూపీఎస్సీకి పేర్ల జాబితా పంపిన రాష్ట్ర ప్రభుత్వం

హైదరాబాద్,తెలంగాణ ముచట్లు:

రాష్ట్ర డీజీపీ పదవికి కొత్త అధికారి ఎంపిక ప్రక్రియ ప్రారంభమైంది. ఈ క్రమంలో యూనియన్ పబ్లిక్ సర్వీస్ కమిషన్‌కు (యూపీఎస్సీ) రాష్ట్ర ప్రభుత్వం ఎనిమిది మంది అగ్రశ్రేణి ఐపీఎస్ అధికారుల పేర్లను పంపింది. వీరిలో వివిధ బ్యాచ్‌లకు చెందిన అధికారులు ఉన్నారు.

పంపిన జాబితాలో ఉన్నవారు:

• రవి గుప్తా (1990 బ్యాచ్)

• సీవీ ఆనంద్ (1991 బ్యాచ్)

• డా. జితేందర్ (1992 బ్యాచ్)

• ఆప్టే వినాయక్ ప్రభాకర్ (1994 బ్యాచ్)

• కొత్తకోట శ్రీనివాస్ రెడ్డి (1994 బ్యాచ్)

• బి. శివధర్ రెడ్డి (1994 బ్యాచ్)

• డా. సౌమ్య మిశ్రా (1994 బ్యాచ్)

• శిఖా గోయల్ (1994 బ్యాచ్)

అర్హతలు, సీనియారిటీ, సేవా కాలం వంటి అంశాలను పరిగణనలోకి తీసుకుని, ఈ ఎనిమిది మందిలో ముగ్గురు అధికారుల పేర్లను ఎంపిక చేసి యూపీఎస్సీ తిరిగి రాష్ట్ర ప్రభుత్వానికి సూచించనుంది.

ప్రస్తుతం డీజీపీగా ఉన్న డా. జితేందర్ ఈ ఏడాది సెప్టెంబర్ 6న పదవీ విరమణ చేయనున్నారు. అలాగే కొత్తకోట శ్రీనివాస్ రెడ్డి ఆగస్టు 5న, రవి గుప్తా డిసెంబర్ 19న రిటైర్ కానున్నారు.

ఇతరుల సేవా కాలాలు:

• సీవీ ఆనంద్ – 2028 జూన్ వరకు

• ఆప్టే వినాయక్ ప్రభాకర్ – 2029 అక్టోబర్

• బి. శివధర్ రెడ్డి – 2026 ఏప్రిల్ 28

• డా. సౌమ్య మిశ్రా – 2027 డిసెంబర్ 30

• శిఖా గోయల్ – 2029 మార్చి

ఈ నేపథ్యంలో డీజీపీ పదవికి ఎవరు ఎంపికవుతారు అన్నది రాష్ట్ర రాజకీయ వర్గాల్లో ఆసక్తికర చర్చగా మారింది.