మల్లాపూర్‌లో ఉచిత కంటి పరీక్షా శిబిరం ప్రారంభం

మల్లాపూర్, మార్చి 15 (తెలంగాణ ముచ్చట్లు):

ఉప్పల్ నియోజకవర్గం నాచారం సర్కిల్ మల్లాపూర్ డివిజన్ స్వామి వివేకానంద నగర్ కాలనీలోని శ్రీరామ క్లినిక్‌లో అను కంటి వైద్యశాల & ఆప్టికల్స్ ఆధ్వర్యంలో నిర్వహించిన ఉచిత కంటి పరీక్షా శిబిరాన్ని కాంగ్రెస్ నాయకుడు నెమలి అనిల్ కుమార్ ముఖ్య అతిథిగా పాల్గొని ప్రారంభించారు.
ఈ సందర్భంగా ఆయన మాట్లాడుతూ ప్రజలు కంటి ఆరోగ్యంపై జాగ్రత్తలు తీసుకోవాలని, ఇలాంటి ఉచిత వైద్య శిబిరాలు ప్రజలకు ఎంతో ఉపయోగపడతాయని తెలిపారు. కాలనీల్లో వైద్య సేవలు అందుబాటులోకి తీసుకురావడం మంచి కార్యక్రమమని అన్నారు.ఈ కార్యక్రమంలో శ్రీరామ క్లినిక్ యాజమాన్యం, అను ఆప్టికల్స్ ప్రతినిధులు, స్థానిక కాలనీ వాసులు తదితరులు పాల్గొన్నారు.