ఘనంగా ప్రణవ్ జన్మదిన వేడుకలు.

హుజురాబాద్,ఆగష్టు 15(తెలంగాణ ముచ్చట్లు ):

హుజురాబాద్ నియోజకవర్గ కాంగ్రెస్ పార్టీ ఇంచార్జి వొడితల ప్రణవ్ జన్మదిన వేడుకలను కాంగ్రెస్ శ్రేణులు, నాయకులు, అభిమానులు నియోజకవర్గ వ్యాప్తంగా ఘనంగా నిర్వహించారు. హుజురాబాద్, జమ్మికుంట, ఇల్లందకుంట, కమలాపూర్, వీణవంక మండలాల్లో ప్రణవ్ జన్మదినాన్ని పురస్కరించుకొని పలు సేవా కార్యక్రమాలు చేపట్టారు.
పలుచోట్ల రక్తదాన శిబిరాలు, అన్నదాన కార్యక్రమాలు, రైతు కూలీలకు చీరల పంపిణీ నిర్వహించారు. జమ్మికుంట పట్టణం, హుజురాబాద్ కాంగ్రెస్ పార్టీ కార్యాలయం, కమలాపూర్ ప్రభుత్వ ఆసుపత్రిలో ఏర్పాటు చేసిన రక్తదాన శిబిరాలను వొడితల ప్రణవ్ సందర్శించారు. నియోజకవర్గ వ్యాప్తంగా నిర్వహించిన రక్తదాన శిబిరాల్లో సుమారు నూటయాభై మంది రక్తదానం చేశారు.
జన్మదినం సందర్భంగా వొడితల ప్రణవ్ హుజురాబాద్ హనుమాన్ దేవస్థానంలో ప్రత్యేక పూజలు నిర్వహించి ఆంజనేయ స్వామి ఆశీర్వాదం తీసుకున్నారు. అనంతరం ఆలయంలో చేపట్టిన పలు అభివృద్ధి పనులకు కొబ్బరికాయ కొట్టి ప్రారంభించారు. ఇల్లందకుంట మండల కేంద్రంలోని శ్రీ సీతారామచంద్ర స్వామి ఆలయంలో కూడా ప్రత్యేక పూజలు నిర్వహించారు. ఆలయ అర్చకులు ఆయనకు ఘన స్వాగతం పలికారు.
అనంతరం హుజురాబాద్, జమ్మికుంట, కమలాపూర్, ఇల్లందకుంట ప్రాంతాల్లో ఏర్పాటు చేసిన జన్మదిన వేడుకల్లో ప్రణవ్ పాల్గొన్నారు. ఈ సందర్భంగా నాయకులు, కార్యకర్తలు, అభిమానులు ఆయనకు జన్మదిన శుభాకాంక్షలు తెలిపారు.
వొడితల ప్రణవ్ మాట్లాడుతూ నియోజకవర్గ ప్రజలు తనపై చూపిస్తున్న ప్రేమాభిమానాలకు కృతజ్ఞతలు తెలిపారు. ప్రజల ఆశీర్వాదంతో మరింత అంకితభావంతో సేవ చేస్తానని అన్నారు. కాంగ్రెస్ ప్రభుత్వం అమలు చేస్తున్న సంక్షేమ పథకాలను అర్హులైన ప్రతి ఒక్కరికీ చేరేలా కృషి చేస్తానని పేర్కొన్నారు.
ఈ కార్యక్రమాల్లో హుజురాబాద్ మున్సిపల్ చైర్‌పర్సన్ సుహాసిని, వైస్ చైర్మన్ అంజలి, కౌన్సిలర్లు, దేవస్థానాల చైర్మన్లు, వ్యవసాయ మార్కెట్ చైర్‌పర్సన్, డైరెక్టర్లు, జిల్లా నాయకులు, పట్టణ, మండల అధ్యక్షులు, మహిళా నాయకులు, గ్రామ శాఖ అధ్యక్షులు, సీనియర్ నాయకులు, యూత్, యువజన, ఎన్‌ఎస్‌యూఐ, మైనారిటీ, సేవాదళ్, సోషల్ మీడియా నాయకులు, కార్యకర్తలు, అభిమానులు పెద్ద సంఖ్యలో పాల్గొన్నారు.