భీమదేవరపల్లి, అక్టోబర్ 11 (తెలంగాణ ముచ్చట్లు)
ప్రజా సమస్యల పరిష్కారంలో తన వంతు బాధ్యతగా ముల్కనూర్ మేజర్ గ్రామపంచాయతీ ఉపసర్పంచ్ కాసగోని మమత బాలకృష్ణ ముందడుగు వేశారు. ముల్కనూర్ బస్టాండ్‌లో గుంతల కారణంగా ప్రయాణికులు, ఆర్టీసీ బస్సుల రాకపోకలకు ఎదురవుతున్న ఇబ్బందులను గుర్తించి, తన సొంత నిధులతో మరమ్మతులు చేయించారు.
గతంలో రహదారి నిర్మాణ పనుల్లో భాగంగా బస్టాండ్ సమీపంలో నూతన మురుగునీటి కాలువలు నిర్మించడంతో బస్సులు బస్టాండ్‌లోకి వెళ్లేందుకు ఇబ్బందులు ఎదురయ్యాయి. మరోవైపు, బస్టాండ్‌లో గుంతలు ఏర్పడటంతో ప్రయాణికులు అవస్థలు పడుతున్నారు.
ఈ సమస్యను గుర్తించిన ఉపసర్పంచ్ మమత బాలకృష్ణ స్వచ్ఛందంగా స్పందించి, సొంత ఖర్చులతో మరమ్మతులు చేయించారు. దీంతో ప్రయాణికులకు, ఆర్టీసీ బస్సుల రాకపోకలకు ఎదురవుతున్న ఇబ్బందులు తగ్గేలా చర్యలు తీసుకున్నారు.
ప్రజా సమస్యల పరిష్కారానికి వ్యక్తిగతంగా ముందుకు వచ్చి తన వంతు సహకారం అందించిన ఉపసర్పంచ్మమత బాలకృష్ణను స్థానికులు అభినందిస్తున్నారు.
Comments