అంగరంగ వైభవంగ అమ్మవారి ఆగమనం

ట్రాక్టర్‌పై దుర్గమ్మ విగ్రహం ఊరేగింపు..

స్టేషన్ ఘనపూర్ లో మొదలైన దేవి నవరాత్రుల సందడి..

స్టేషన్ ఘన్‌పూర్, అక్టోబర్ 11 (తెలంగాణ ముచ్చట్లు):

దేవీ శరన్నవరాత్రి ఉత్సవాల నేపథ్యంలో పట్టణంలో అమ్మవారి ఆగమనం ఘనంగా జరిగింది. శ్రీమాతా ఉత్సవ కమిటీ సభ్యులు దుర్గామాత విగ్రహాన్ని ట్రాక్టర్‌పై అలంకరించి పట్టణ పురవీధుల గుండా మండపానికి తరలించారు. అమ్మవారి రాకతో పట్టణంలో భక్తి వాతావరణం నెలకొంది. యువకులు, భక్తులు పెద్ద ఎత్తున పాల్గొని అమ్మవారికి స్వాగతం పలికారు. పసుపు చీరలో, సింహ వాహనంపై కొలువుదీరిన అమ్మవారి విగ్రహం భక్తులను విశేషంగా ఆకట్టుకుంది.