నూతన ఎంఈఓ శాంతన్నకు స్నేహితుల ఆత్మీయ సత్కారం.

పెద్దమందడి,అక్టోబర్09(తెలంగాణ ముచ్చట్లు):

వనపర్తి జిల్లా  పెద్దమందడి మండల నూతన విద్యాధికారిగా పదవీ బాధ్యతలు స్వీకరించిన శాంతన్నకు ఆయన బాల్యమిత్రుడు, తహసీల్దార్ రాములుతో పాటు ఇతర స్నేహితులు హృదయపూర్వక అభినందనలు తెలియజేస్తూ ఆత్మీయంగా సత్కరించారు. చిన్ననాటి నుంచి కలిసి చదువుకొని, ఎన్నో మధుర జ్ఞాపకాలను పంచుకున్న మిత్రుడు నేడు ఉన్నత బాధ్యతలు చేపట్టడం పట్ల స్నేహితులు సంతోషం వ్యక్తం చేశారు.ఈ సందర్భంగా శాంతన్నను కలిసి పుష్పగుచ్ఛాలు అందించి శుభాకాంక్షలు తెలిపారు. నాటి స్నేహబంధాన్ని గుర్తుచేసుకుంటూ, మిత్రుడి ఎదుగుదల తమకు ఎంతో గర్వకారణమని ఆనందం వ్యక్తం చేశారు. ఉద్యోగ బాధ్యతల్లో మరింత ఉన్నత స్థాయికి ఎదగాలని, విద్యారంగ అభివృద్ధికి విశేష కృషి చేయాలని ఆకాంక్షించారు.ఒకే తరగతి గదిలో కలిసి చదువుకున్న నాటి రోజుల నుంచి నేటి ఉన్నత స్థాయికి ఎదిగిన శాంతన్న ప్రస్థానాన్ని గుర్తుచేసుకుంటూ స్నేహితులు సంతోషం వ్యక్తం చేశారు. తమ సహవిద్యార్థి మండల విద్యాధికారిగా బాధ్యతలు చేపట్టడం గర్వకారణమని పేర్కొంటూ, ఆయనకు శుభాకాంక్షలు తెలిపారు.ఈ సందర్భంగా శాంతన్న నూతన బాధ్యతలను సమర్థవంతంగా నిర్వహిస్తూ విద్యారంగ అభివృద్ధికి కృషి చేయాలని స్నేహితులు ఆకాంక్షించారు. ఆయన మరిన్ని ఉన్నత పదవులు అధిరోహించాలని మనస్ఫూర్తిగా కోరుకున్నారు.