చిల్పూర్,అక్టోబర్ 09 (తెలంగాణ ముచ్చట్లు):
మండలంలోని ఫతేపూర్ గ్రామ పంచాయతీలో చేయూత పింఛన్ల లబ్ధిదారుల వివరాల పరిశీలనను జిల్లా పంచాయతీ అధికారి వెంకట్ రెడ్డి ఆకస్మికంగా తనిఖీ చేశారు. ఈ సందర్భంగా గ్రామ సర్పంచ్ గుగులోతు లక్ష్మీ ఊమ్లా నాయక్ ఆయనకు స్వాగతం పలికి సన్మానించారు.పరిశీలనలో భాగంగా యాదృచ్ఛికంగా ఎంపిక చేసిన లబ్ధిదారుల వివరాలను డీపీఓ స్వయంగా తనిఖీ చేశారు. క్షేత్రస్థాయిలో పింఛన్ల లబ్ధిదారుల వివరాల పరిశీలన ఏ విధంగా జరుగుతోందనే విషయాన్ని అధికారులను అడిగి తెలుసుకున్నారు. పరిశీలన ప్రక్రియను వేగవంతం చేస్తూ, వివరాలను క్షుణ్ణంగా ధ్రువీకరించాలని సూచించారు.
ఈ కార్యక్రమంలో గార్లగడ్డ సర్పంచ్ నవీన్, ఎంపీవో రఘురామకృష్ణ, పంచాయతీ కార్యదర్శులు రాజేందర్, శ్రీకాంత్, ఉప సర్పంచ్ రంగమ్మ తదితరులు పాల్గొన్నారు.
Comments