ఇందిరమ్మ ఇళ్ల ఎంపిక బాధ్యత పంచాయతీలకే ఇవ్వాలి.

హుజురాబాద్, అక్టోబర్ 9 (తెలంగాణ ముచ్చట్లు):

ఇందిరమ్మ ఇళ్ల లబ్ధిదారుల ఎంపిక బాధ్యతను గ్రామపంచాయతీలకు అప్పగించాలని బీసీ జేఏసీ హుజురాబాద్ నియోజకవర్గ గౌరవ అధ్యక్షులు చందుపట్ల జనార్ధన్, అధ్యక్షులు సందేల వెంకన్న ప్రభుత్వాన్ని డిమాండ్ చేశారు. హుజురాబాద్ పట్టణంలోని స్థానిక మున్సిపాలిటీ ఆవరణలో నిర్వహించిన బీసీ జేఏసీ కార్యక్రమంలో వారు మాట్లాడారు.కమిటీలను రద్దు చేయాలి.
2024 ఫిబ్రవరి నుంచి 2025 డిసెంబర్ వరకు గ్రామపంచాయతీల్లో ప్రత్యేక అధికారుల పాలన కొనసాగిన సమయంలో ఏర్పాటు చేసిన ఇందిరమ్మ ఇళ్ల కమిటీలను ఇప్పటికీ కొనసాగించడం సరైన విధానం కాదని నాయకులు అభిప్రాయపడ్డారు. ప్రస్తుతం గ్రామపంచాయతీలకు ఎన్నికైన పాలకవర్గాలు ఉన్నందున, గతంలో నియమించిన కమిటీలను కొనసాగించడం వల్ల ప్రజాప్రతినిధుల అధికారాలు నిర్వీర్యమవుతున్నాయని పేర్కొన్నారు.పేదలకు న్యాయం జరగాలి.ప్రజాస్వామ్యబద్ధంగా ఎన్నికైన గ్రామపంచాయతీ పాలకవర్గాలకు ఇందిరమ్మ ఇళ్ల ఎంపిక బాధ్యత అప్పగిస్తే గ్రామాల్లోని నిరుపేద కుటుంబాలను గుర్తించి అర్హులకు న్యాయం చేసే అవకాశం ఉంటుందని వారు అన్నారు. ఎలాంటి పక్షపాతానికి తావులేకుండా నిజమైన నిరుపేదలకు ఇళ్లు మంజూరు చేయాలని ప్రభుత్వాన్ని కోరారు.
నాయకుల పాల్గొనడంప్రత్యేక అధికారుల పాలనలో ఏర్పాటు చేసిన ఇందిరమ్మ కమిటీలను తక్షణమే రద్దు చేసి, ఇళ్ల ఎంపిక బాధ్యతను గ్రామపంచాయతీలకు అప్పగించాలని వారు డిమాండ్ చేశారు. ఈ కార్యక్రమంలో ఉప సర్పంచుల ఫోరం మండల అధ్యక్షులు వన్నాల శివాజీ, బీసీ జేఏసీ ప్రధాన కార్యదర్శి ఇప్పకాయల సాగర్, ఉపాధ్యక్షులు మామునూరు ప్రవీణ్ కుమార్, కొలిపాక క్రాంతికుమార్, దేవసాని ప్రియదర్శిని, రామ్ సారయ్య, బండ తిరుపతి, దాట్ల ప్రభాకర్, పోగు సమ్మయ్య తదితరులు పాల్గొన్నారు.