జమ్మికుంట, అక్టోబర్ 09 (తెలంగాణ ముచ్చట్లు):
తెలంగాణ రాష్ట్ర వార్డు మెంబర్ల ఫోరం కరీంనగర్ జిల్లా హుజూరాబాద్ నియోజకవర్గ కో-ఇన్‌చార్జిగా జిల్లెల్ల శ్రీపాల్ రెడ్డి ఏకగ్రీవంగా ఎన్నికయ్యారు. ఈ సందర్భంగా ఆయన ఫోరం రాష్ట్ర అధ్యక్షుడు నాగవెల్లి జ్యోతి మహేష్‌కు కృతజ్ఞతలు తెలిపారు.
ఈ సందర్భంగా శ్రీపాల్ రెడ్డి మాట్లాడుతూ.. హుజూరాబాద్ నియోజకవర్గ పరిధిలోని వార్డు మెంబర్లను సమన్వయం చేసుకుంటూ, వారి సమస్యలను తెలుసుకుని పరిష్కారానికి కృషి చేస్తానని తెలిపారు. వార్డు మెంబర్ల హక్కుల పరిరక్షణతో పాటు, వారు ఎదుర్కొంటున్న సమస్యల పరిష్కారానికి తెలంగాణ రాష్ట్ర వార్డు మెంబర్ల ఫోరం ఆధ్వర్యంలో నిరంతరం పనిచేస్తానని పేర్కొన్నారు. తనపై నమ్మకంతో బాధ్యతలు అప్పగించిన ఫోరం నాయకత్వానికి కృతజ్ఞతలు తెలుపుతూ, తన బాధ్యతలను సమర్థవంతంగా నిర్వహిస్తానని వెల్లడించారు.
Comments