ములుగు జిల్లాలో జోరుగా బెల్ట్‌ షాపుల దందా?

అనధికారిక మద్యం విక్రయాలపై చర్యలు తీసుకోవాలి

అధిక ధరలకు మద్యం విక్రయిస్తున్నారంటున్న స్థానికులు

ములుగు,సెప్టెంబర్ 28 (తెలంగాణ ముచ్చట్లు): 

ములుగు జిల్లాలోని పలు గ్రామీణ ప్రాంతాల్లో అనధికారికంగా మద్యం విక్రయాలు జరుగుతున్నాయనే ఆరోపణలు వినిపిస్తున్నాయి. బెల్ట్‌ షాపుల పేరుతో మద్యం విక్రయిస్తూ, బాటిళ్లపై ముద్రించిన నిర్ణీత ధర కంటే అధికంగా వసూలు చేస్తున్నారనే ఫిర్యాదులు స్థానికుల నుంచి వస్తున్నాయి.గ్రామీణ ప్రాంతాల్లో అనధికారిక మద్యం విక్రయ కేంద్రాలు పెరుగుతున్నాయనే ఆరోపణల నేపథ్యంలో సంబంధిత ఎక్సైజ్‌ అధికారులు క్షేత్రస్థాయిలో తనిఖీలు నిర్వహించి వాస్తవ పరిస్థితులను పరిశీలించాలని ప్రజలు కోరుతున్నారు. ముఖ్యంగా మద్యం బాటిళ్లపై ఉన్న నిర్ణీత చిల్లర ధర కంటే అదనంగా వసూలు చేస్తున్నారనే ఫిర్యాదులపై దృష్టి సారించాలని విజ్ఞప్తి చేస్తున్నారు.
నిబంధనలకు విరుద్ధంగా అనధికారికంగా మద్యం నిల్వ చేసి విక్రయిస్తున్నారా? మద్యం విక్రయాల్లో నిర్ణీత ధర కంటే అదనంగా వసూలు చేస్తున్నారా? అనే అంశాలపై అధికారులు తనిఖీలు నిర్వహించాలని స్థానికులు కోరుతున్నారు.

అధికారులు స్పందించాలిములుగు జిల్లాలో బెల్ట్‌ షాపుల పేరుతో జరుగుతున్నట్లు చెబుతున్న అనధికారిక మద్యం విక్రయాలపై ప్రత్యేక తనిఖీలు నిర్వహించి, వాస్తవ పరిస్థితులను వెలుగులోకి తీసుకురావాలని ప్రజలు కోరుతున్నారు. తనిఖీల్లో నిబంధనల ఉల్లంఘనలు నిర్ధారణ అయితే సంబంధిత వ్యక్తులపై చట్ట ప్రకారం చర్యలు తీసుకోవాలని డిమాండ్ చేస్తున్నారు.