స్టేషన్ ఘనపూర్, సెప్టెంబర్ 27 (తెలంగాణ ముచ్చట్లు):
పట్టణంలోని శివాజీ సెంటర్ సమీపంలో ఉన్న అల్ఫా మొబైల్స్ దుకాణంలో చోరీ జరిగింది. దుకాణ యజమాని కుసుమ సాంబశివరావు శనివారం రాత్రి 9.30 గంటలకు దుకాణం మూసివేసి ఇంటికి వెళ్లారు. ఆదివారం ఉదయం వచ్చి చూడగా దుకాణం వెనుక తలుపులు పగులగొట్టి ఉండటాన్ని గుర్తించారు.
దుకాణంలో నుంచి ఒక ఐటెల్ మొబైల్, రెండు ప్రొజెక్టర్లు, ఒక డ్రోన్, 30 బ్లూటూత్ పరికరాలు, 60 స్పీకర్లు, కేబుల్స్, ఛార్జర్లు, మూడు సోలార్ లైట్లు, 30 ఇయర్ ఫోన్లు సహా సుమారు రూ.50 వేల విలువైన సామగ్రి చోరీకి గురైనట్లు బాధితుడు తెలిపారు. శనివారం అర్ధరాత్రి 12 గంటల నుంచి ఆదివారం తెల్లవారుజామున 5 గంటల మధ్య చోరీ జరిగి ఉండవచ్చని పోలీసులు భావిస్తున్నారు. సమాచారం అందుకున్న పోలీసులు క్లూస్ బృందం, డాగ్ స్క్వాడ్తో ఆధారాలు సేకరించారు. దుకాణం పరిసరాల్లోని సీసీ కెమెరాల దృశ్యాలను పరిశీలించారు. బాధితుడి ఫిర్యాదు మేరకు కేసు నమోదు చేసి దర్యాప్తు చేపట్టినట్లు పోలీసులు తెలిపారు.
Comments