స్టేషన్ ఘనపూర్, సెప్టెంబర్ 26 (తెలంగాణ ముచ్చట్లు):
మున్సిపాలిటీ పరిధిలోని చాగల్లు బస్టాండ్ వద్ద చాకలి ఐలమ్మ 131వ జయంతి వేడుకలను 8వ వార్డు కౌన్సిలర్ పొన్న రాజేష్ ఆధ్వర్యంలో ఘనంగా నిర్వహించారు. ఈ సందర్భంగా ఐలమ్మ చిత్రపటానికి పూలమాల వేసి ఘనంగా నివాళులర్పించారు.ఈ సందర్భంగా పొన్న రాజేష్ మాట్లాడుతూ తెలంగాణ సాయుధ పోరాటంలో చాకలి ఐలమ్మ చేసిన పోరాటం, ఆమె చూపిన ధైర్యసాహసాలు చిరస్మరణీయమని అన్నారు. పేదలు, అణగారిన వర్గాల హక్కుల కోసం ఆమె చేసిన పోరాటాన్ని స్ఫూర్తిగా తీసుకోవాలని సూచించారు. ఐలమ్మ ఆశయాలను కొనసాగిస్తూ సమాజ అభివృద్ధికి ప్రతి ఒక్కరూ కృషి చేయాలని పిలుపునిచ్చారు.
కార్యక్రమంలో రజక సంఘం నాయకులు పొన్న రవీందర్, పొన్న రాజయ్య, పొన్న యాకయ్య, మచ్చ వెంకటయ్య, లొంక రమేష్, స్థానికులు వడ్లకొండ రాంబాబు, గాండ్ల ధనుజయ, సయ్యద్ సాజిద్, రంగు రాజయ్య తదితరులు పాల్గొన్నారు.
Comments