స్టేషన్ ఘనపూర్‌లో ఘనంగా చాకలి ఐలమ్మ జయంతి వేడుకలు.

స్టేషన్ ఘనపూర్, సెప్టెంబర్ 20 (తెలంగాణ ముచ్చట్లు): 

తెలంగాణ సాయుధ పోరాట వీరవనిత చాకలి ఐలమ్మ 131వ జయంతి వేడుకలు శనివారం స్టేషన్ ఘనపూర్‌లో ఘనంగా నిర్వహించారు. పట్టణంలోని రజక సంఘం ఆధ్వర్యంలో చాకలి ఐలమ్మ విగ్రహానికి పూలమాలలు వేసి ఘనంగా నివాళులర్పించారు.
ఈ సందర్భంగా కౌన్సిలర్ పొన్న రవి మాట్లాడుతూ దొరల అహంకారాన్ని ఎదిరించి పేదల భూముల కోసం పోరాడిన ధీరవనిత చాకలి ఐలమ్మ అని అన్నారు. ఆమె పోరాట స్ఫూర్తిని యువత ఆదర్శంగా తీసుకుని ముందుకు సాగాలని పిలుపునిచ్చారు. కార్యక్రమంలో కౌన్సిలర్ పొన్న రాజేష్, పొన్న బిక్షపతి, సత్యనారాయణ, మధు, మచ్చ బిక్షపతి, రమేష్ తదితరులు పాల్గొన్నారు.

మున్సిపల్ కార్యాలయంలో అధికారికంగా..

స్టేషన్ ఘనపూర్ మున్సిపల్ కార్యాలయంలో కూడా చాకలి ఐలమ్మ జయంతి వేడుకలను అధికారికంగా నిర్వహించారు. ఐలమ్మ చిత్రపటానికి మేనేజర్ సత్యనారాయణ పూలమాల వేసి నివాళులర్పించారు.కార్యక్రమంలో వైస్ చైర్మన్ నీల రాజమ్మ, లెక్కల అధికారి నితిన్, పట్టణ ప్రణాళిక అధికారి సాయి, జూనియర్ సహాయకులు సందీప్, శ్రీనివాస్, సుమలత, మంజుల, కౌన్సిలర్లు పొన్న రవి, పొన్న రాజేష్, పొన్నం స్వరూప–రాజయ్య, అంగడి రజిత–కృష్ణ, సహనామినేటెడ్ సభ్యుడు గన్ను నరసింహులు, తిరుమలనాథ దేవస్థాన చైర్మన్ నీల నరసింహులు, గట్టు రమేష్, పెసరు సారయ్య, గుర్రం రమేష్, షేక్ జానీ పాషా తదితరులు పాల్గొన్నారు.