కుల రహిత సమాజమే లక్ష్యంగా భవిష్యత్ పోరాటం.

ఎం.ఈ.ఎఫ్. జాతీయ కోర్ కమిటీ వైస్‌ చైర్మన్‌గా గద్వాల కృష్ణ నియామకం

వనపర్తి,సెప్టెంబర్28(తెలంగాణ ముచ్చట్లు):

కుల రహిత సమాజ నిర్మాణమే లక్ష్యంగా భవిష్యత్‌లో పోరాటాలు కొనసాగిస్తామని ఎం.ఈ.ఎఫ్. నాయకులు పేర్కొన్నారు. హైదరాబాద్‌లో నిర్వహించిన ఎం.ఈ.ఎఫ్. జాతీయ సమావేశంలో గద్వాల కృష్ణను జాతీయ కోర్ కమిటీ వైస్‌ చైర్మన్‌గా నియమిస్తూ ఉత్తర్వులు అందజేశారు.ఈ సందర్భంగా మందకృష్ణ మాదిగ గద్వాల కృష్ణను శాలువా, జ్ఞాపికతో సన్మానించి నియామక ఉత్తర్వులు అందజేశారు. అనంతరం గద్వాల కృష్ణ మాట్లాడుతూ మాదిగల సమగ్ర అభివృద్ధి, పీడిత వర్గాల విముక్తి లక్ష్యంగా మందకృష్ణ మాదిగ చూపిన బాటలో ముందుకు సాగుతామని తెలిపారు. సామాజిక సమానత్వం కోసం నిరంతరం కృషి చేస్తామని పేర్కొన్నారు.ఈ సమావేశంలో ఎం.ఈ.ఎఫ్. జాతీయ కోర్ కమిటీ అధ్యక్షులు బొంత యేసుదాస్, జాతీయ అధ్యక్షులు బిక్షాలు, డాక్టర్ ఎం. కృష్ణయ్య, మందా దేవేంద్ర ప్రసాద్ తదితరులు పాల్గొన్నారు.