మంత్రులకు ఘన స్వాగతం పలికిన వెల్టూర్ కాంగ్రెస్ నాయకులు.

పెద్దమందడి,సెప్టెంబర్28(తెలంగాణ ముచ్చట్లు):

వనపర్తి జిల్లా పెద్దమందడి మండలం వెల్టూర్ గ్రామంలో తెలంగాణ పబ్లిక్ స్కూల్ నూతన భవన నిర్మాణానికి శంకుస్థాపన కార్యక్రమానికి విచ్చేసిన మంత్రులు పొంగులేటి శ్రీనివాస్ రెడ్డి, వాకిటి శ్రీహరితో పాటు ఎమ్మెల్యే మేఘా రెడ్డికి వెల్టూర్ కాంగ్రెస్ పార్టీ నాయకులు ఘన స్వాగతం పలికారు. వడ్డె శేఖర్, మార్కెట్ యార్డ్ డైరెక్టర్ దిండు రవీందర్, మాజీ సర్పంచ్ శ్రీనివాసరెడ్డి, గ్రామ కాంగ్రెస్ పార్టీ అధ్యక్షుడు ప్రేమ్ సాగర్, బాబు రెడ్డి, వెంకటేశ్వర్లు తదితరులు మంత్రులకు పుష్పగుచ్ఛాలు అందజేసి సాదరంగా స్వాగతం పలికారు.ఈ సందర్భంగా వడ్డె శేఖర్ మాట్లాడుతూ..గ్రామీణ ప్రాంత విద్యార్థులకు నాణ్యమైన విద్యను అందించేందుకు తెలంగాణ పబ్లిక్ స్కూల్ భవన నిర్మాణం చేపట్టడం అభినందనీయమన్నారు. నూతన పాఠశాల భవనం అందుబాటులోకి వస్తే వెల్టూర్‌తో పాటు పరిసర ప్రాంతాల విద్యార్థులకు మెరుగైన విద్యా వసతులు లభిస్తాయని తెలిపారు.విద్యారంగ అభివృద్ధికి ప్రభుత్వం ప్రాధాన్యతనిస్తూ పాఠశాలలకు అవసరమైన మౌలిక వసతులు కల్పించడం సంతోషకరమన్నారు. తెలంగాణ పబ్లిక్ స్కూల్ భవన నిర్మాణం త్వరగా పూర్తయి విద్యార్థులకు అందుబాటులోకి రావాలని ఆకాంక్షించారు. గ్రామ అభివృద్ధితో పాటు విద్యార్థుల భవిష్యత్తుకు ఉపయోగపడే కార్యక్రమాలకు కాంగ్రెస్ పార్టీ నాయకులు అండగా ఉంటారని వడ్డె శేఖర్ పేర్కొన్నారు.ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, స్థానిక ప్రజాప్రతినిధులు, గ్రామస్థులు తదితరులు పాల్గొన్నారు.