చాగల్లు నుంచి కొండగట్టుకు హనుమాన్ మాల స్వాములు.

ఇరుముడి కట్టుకుని కొండగట్టుకు బయలుదేరిన భక్తులు.

స్టేషన్ ఘన్‌పూర్,సెప్టెంబర్ 28 (తెలంగాణ ముచ్చట్లు):

స్టేషన్ ఘన్‌పూర్ మున్సిపాలిటీ పరిధిలోని చాగల్లు గ్రామంలో 41 రోజులపాటు హనుమాన్ దీక్ష చేపట్టిన స్వాములు సోమవారం ఇరుముడి కట్టుకుని కొండగట్టుకు బయలుదేరారు. దీక్షను పూర్తి చేసుకున్న అనంతరం హనుమంతుడిని దర్శించుకునేందుకు భక్తులు కొండగట్టు పయనమయ్యారు.
ఈ సందర్భంగా 8వ వార్డు కౌన్సిలర్ పొన్న రాజేష్ స్వయంగా హాజరై స్వాములను బస్సు ఎక్కించి సాగనంపారు. గురుస్వామి అన్నెపు అనిల్ స్వామి ఆధ్వర్యంలో బూర్ల రమేష్, చింతపండు, బూర్ల ప్రవీణ్, రమేష్ తదితర స్వాములు, వారి కుటుంబ సభ్యులు పాల్గొన్నారు.