వెల్టూర్‌లో మంత్రుల చేతుల మీదుగా తెలంగాణ పబ్లిక్ స్కూల్‌కు శంకుస్థాపన.

పెద్దమందడి,సెప్టెంబర్‌28(తెలంగాణ ముచ్చట్లు):

వనపర్తి జిల్లా పెద్దమందడి మండలం వెల్టూర్ గ్రామంలో తెలంగాణ పబ్లిక్ స్కూల్ నూతన భవన నిర్మాణానికి మంత్రులు పొంగులేటి శ్రీనివాస్ రెడ్డి, వాకిటి శ్రీధర్, ఎమ్మెల్యే మేఘారెడ్డి శంకుస్థాపన చేశారు. రూ.11.75 కోట్ల వ్యయంతో నూతన పాఠశాల భవనాన్ని నిర్మించనున్నారు.ఈ సందర్భంగా మంత్రి పొంగులేటి శ్రీనివాస్ రెడ్డి మాట్లాడుతూ.. ముఖ్యమంత్రి రేవంత్ రెడ్డి నేతృత్వంలోని ప్రభుత్వం విద్య, వైద్య రంగాలకు పెద్దపీట వేస్తోందన్నారు. విద్యార్థులకు మెరుగైన విద్యా సదుపాయాలు కల్పించడంతో పాటు పాఠశాలల్లో మౌలిక వసతుల అభివృద్ధికి ప్రభుత్వం ప్రత్యేక దృష్టి సారించిందని తెలిపారు. విద్యార్థుల సంక్షేమాన్ని దృష్టిలో ఉంచుకుని కాస్మోటిక్ ఛార్జీలను కూడా పెంచడం జరిగిందని పేర్కొన్నారు. గ్రామీణ ప్రాంత విద్యార్థులకు నాణ్యమైన విద్య అందుబాటులోకి తీసుకురావడమే ప్రభుత్వ లక్ష్యమని, అందులో భాగంగానే వెల్టూర్‌లో రూ.11.75 కోట్లతో తెలంగాణ పబ్లిక్ స్కూల్ నూతన భవన నిర్మాణాన్ని చేపడుతున్నట్లు తెలిపారు.గ్రామీణ ప్రాంత విద్యార్థులకు నాణ్యమైన విద్యను అందించడంతో పాటు మెరుగైన మౌలిక వసతులు కల్పించాలనే లక్ష్యంతో నూతన పాఠశాల భవన నిర్మాణాన్ని చేపడుతున్నారు. ఆధునిక సౌకర్యాలతో భవనం అందుబాటులోకి వస్తే విద్యార్థులకు సౌకర్యవంతమైన విద్యా వాతావరణం ఏర్పడనుంది.ఈ సందర్భంగా ప్రజాప్రతినిధులు మాట్లాడుతూ.. విద్యారంగ అభివృద్ధికి ప్రభుత్వం ప్రాధాన్యం ఇస్తోందని తెలిపారు. గ్రామీణ ప్రాంతాల్లో విద్యార్థులకు మెరుగైన విద్యా అవకాశాలు కల్పించేందుకు అవసరమైన మౌలిక వసతులను అభివృద్ధి చేస్తున్నట్లు పేర్కొన్నారు. నూతన పాఠశాల భవనం నిర్మాణంతో వెల్టూర్‌తో పాటు పరిసర ప్రాంతాల విద్యార్థులకు కూడా ప్రయోజనం కలగనుంది.కార్యక్రమంలో మండల అధ్యక్షులు కొమ్ము వెంకటస్వామి, మార్కెట్ యార్డ్ వైస్ చైర్మన్ రామకృష్ణారెడ్డి, మార్కెట్ యార్డ్ డైరెక్టర్లు వెంకటేశ్వర్ రెడ్డి, దిండు రవీందర్, గ్రామ కాంగ్రెస్ పార్టీ అధ్యక్షులు ప్రేమ్ సాగర్, గ్రామ సర్పంచ్ అశోక్, మాజీ సర్పంచ్ శ్రీనివాస్ రెడ్డి, బాల చంద్రయ్య,మాజీ అధ్యక్షులు బాబు రెడ్డి, వడ్డే శేఖర్, మాజీ ఉపసర్పంచ్ మల్లికార్జున్, డి ఎస్ మహేష్,చింతల వెంకటేశ్వర్లు, వార్డు సభ్యులు నాగభూషణ్, మద్దూర్ నరసింహ స్వాతి, వివేక్, దయ్యాల దాసు, మద్దూర్ వెంకటయ్య, పాముల రాములు, బండి ప్రవీణ్ కుమార్, మిల్లర్ రాజు, దయ్యాల అంజన్న, సాధిక్,లాల్, వివిధ గ్రామాల సర్పంచులు,  ప్రజాప్రతినిధులు, నాయకులు, విద్యాశాఖ అధికారులు, కాంగ్రెస్ నాయకులు, కార్యకర్తలు, గ్రామస్థులు తదితరులు పాల్గొన్నారు.