*లబ్ధిదారులకు సంక్షేమ పథకాల పత్రాలు, చెక్కుల పంపిణీ*
*రూ.3.35 కోట్లతో బీటీ రోడ్డు నిర్మాణానికి శంకుస్థాపన చేసిన ఎమ్మెల్యే మేడిపల్లి సత్యం*
చొప్పదండి, అక్టోబర్ 7(తెలంగాణ ముచ్చట్లు ):
చొప్పదండి మండలం కొలిమికుంట గ్రామంలో నిర్వహించిన స్మార్ట్ రేషన్ కార్డుల పంపిణీ కార్యక్రమానికి చొప్ప
దండి ఎమ్మెల్యే, కరీంనగర్ జిల్లా కాంగ్రెస్ అధ్యక్షుడు మేడిపల్లి సత్యం ముఖ్య అతిథిగా హాజరై లబ్ధిదారులకు స్మార్ట్ రేషన్ కార్డులు, ఇందిరమ్మ ఇళ్ల మంజూరు పత్రాలు, కళ్యాణలక్ష్మీ చెక్కులను పంపిణీ చేశారు. అనంతరం కొలిమికుంట నుంచి మల్లికార్జున స్వామి దేవాలయం మీదుగా మల్లన్నపల్లె వరకు రూ.3.35 కోట్ల నిధులతో నిర్మించనున్న బీటీ రోడ్డు పనులకు స్థానిక నాయకులతో కలిసి శంకుస్థాపన చేశారు. ఈ సందర్భంగా గ్రామీణ ప్రాంతాల్లో మౌలిక వసతుల అభివృద్ధికి ప్రభుత్వం ప్రాధాన్యం ఇస్తోందని పేర్కొన్నారు. కార్యక్రమంలో స్థానిక ప్రజాప్రతినిధులు, కాంగ్రెస్ నాయకులు, కార్యకర్తలు, గ్రామస్తులు పాల్గొన్నారు.
Comments