చాగల్ రైతు వేదికలో రైతులకు శిక్షణ.

స్టేషన్ ఘన్‌పూర్, అక్టోబర్ 7 (తెలంగాణ ముచ్చట్లు): 

స్టేషన్ ఘన్‌పూర్ మండలం చాగల్ గ్రామంలోని రైతు వేదికలో బుధవారం రైతులకు వ్యవసాయ శిక్షణ కార్యక్రమం నిర్వహించారు. జిల్లా వ్యవసాయ అధికారి ఆధ్వర్యంలో నిర్వహించిన ఈ కార్యక్రమంలో రైతులకు వివిధ వ్యవసాయ పద్ధతులు, పంటల సాగులో తీసుకోవాల్సిన జాగ్రత్తలు, ఆధునిక సాగు విధానాలపై అవగాహన కల్పించారు.
పంటల సాగులో శాస్త్రీయ పద్ధతులను పాటించడం ద్వారా అధిక దిగుబడులు సాధించడంతో పాటు పెట్టుబడి ఖర్చులను తగ్గించుకోవచ్చని రైతులకు సూచించారు. రైతులకు అందుబాటులో ఉన్న వ్యవసాయ పథకాలు, సాంకేతిక పరిజ్ఞానం, పంటల సాగుకు సంబంధించిన సమాచారాన్ని సద్వినియోగం చేసుకోవాలని సూచించారు.

అనంతరం కేంద్ర బృందం చాగల్ రైతు వేదికను సందర్శించింది. రైతులు, అధికారులతో మాట్లాడి రైతు వేదిక ద్వారా అందుతున్న సేవలు, రైతులకు నిర్వహిస్తున్న శిక్షణ కార్యక్రమాలు, వ్యవసాయానికి సంబంధించిన సమాచారం అందిస్తున్న విధానంపై వివరాలు సేకరించింది.
రైతులకు వ్యవసాయంపై శిక్షణ, అవసరమైన సమాచారం అందించడంలో రైతు వేదికలు కీలకపాత్ర పోషిస్తున్నాయని కేంద్ర బృందం అభిప్రాయపడింది.
ఈ కార్యక్రమంలో జిల్లా వ్యవసాయ అధికారి, మండల వ్యవసాయ అధికారి కరుణాకర్, వ్యవసాయ విస్తరణ అధికారి అనిత, ఆయిల్‌ఫెడ్ క్షేత్రస్థాయి అధికారి సురేష్, రైతులు తదితరులు పాల్గొన్నారు.