భీమదేవరపల్లి, జూన్ 3 (తెలంగాణ ముచ్చట్లు):
హనుమకొండ జిల్లా భీమదేవరపల్లి మండల కేంద్రంలోని ప్రభుత్వ వెటర్నరీ ఆసుపత్రిలో నూతన వెటర్నరీ వైద్యాధికారిగా డాక్టర్ రోజా బాధ్యతలు స్వీకరించారు. ఆమె గతంలో కేశవపూర్ వెటర్నరీ ఆసుపత్రిలో విధులు నిర్వహించగా, బదిలీపై భీమదేవరపల్లికి వచ్చి తన కొత్త బాధ్యతలను చేపట్టారు.
ఈ సందర్భంగా డాక్టర్ రోజాకు ఆసుపత్రి సిబ్బంది, స్థానిక ప్రజాప్రతినిధులు, పశుపాలకులు ఘన స్వాగతం పలికి శుభాకాంక్షలు తెలిపారు. అనంతరం ఆమె మాట్లాడుతూ మండలంలోని పశుపాలకులకు నాణ్యమైన, సకాలంలో వైద్య సేవలు అందించేందుకు కృషి చేస్తానని తెలిపారు.
పశువులకు అవసరమైన టీకాలు, చికిత్సలు, అత్యవసర వైద్య సేవలు ఎప్పటికప్పుడు అందుబాటులో ఉండేలా ప్రత్యేక చర్యలు చేపడతామని పేర్కొన్నారు. అలాగే మండలంలోని పశుసంపద అభివృద్ధికి తన వంతు సహకారం అందిస్తూ రైతులు, పశుపాలకులకు అండగా నిలుస్తానని హామీ ఇచ్చారు.
ఈ కార్యక్రమంలో ఆసుపత్రి సిబ్బంది, స్థానిక నాయకులు, పశుపాలకులు పాల్గొని నూతన వైద్యాధికారికి అభినందనలు తెలిపారు.
Comments