సత్తుపల్లి, మే 20 (తెలంగాణ ముచ్చట్లు):
సత్తుపల్లి-ఖమ్మం మధ్య ప్రయాణించే వారికి సమయ ఆదా కల్పించేలా ఆర్టీసీ ప్రత్యేకంగా ‘3 స్టాప్స్’ డీలక్స్ బస్సు సర్వీసులను ప్రారంభించింది. బుధవారం నుంచి ఈ సర్వీసులు అందుబాటులోకి వచ్చినట్లు సత్తుపల్లి డిపో మేనేజర్ గురిజాల లక్ష్మీనారాయణ తెలిపారు. ఈ డీలక్స్ బస్సులకు వీఎం బంజర, కల్లూరు, వైరా ప్రాంతాల్లో మాత్రమే స్టాపులు కల్పించినట్లు చెప్పారు. దీంతో సత్తుపల్లి నుంచి ఖమ్మం, ఖమ్మం నుంచి సత్తుపల్లి ప్రయాణించే వారికి ప్రయాణ సమయం తగ్గుతుందని పేర్కొన్నారు. సత్తుపల్లి నుంచి ఉదయం 7:00, 7.30, 8:00 గంటలకు, మధ్యాహ్నం 11.45, 12.15, 1:00 గంటలకు, సాయంత్రం 4.30, 5:00, 5.40 గంటలకు బస్సులు బయలుదేరనున్నాయి. అలాగే ఖమ్మం నుంచి ఉదయం 9.20, 9.45, 10.15 గంటలకు, మధ్యాహ్నం 2.15, 2.50, 3.30 గంటలకు, సాయంత్రం 6.40, 7.15, రాత్రి 8:00 గంటలకు సర్వీసులు నడుస్తాయని తెలిపారు. ప్రయాణికులు ఈ ప్రత్యేక డీలక్స్ సర్వీసులను సద్వినియోగం చేసుకోవాలని డిపో మేనేజర్ కోరారు.
Comments