పీచర గ్రామ పంచాయతీ సిబ్బందికి యూనిఫాంల పంపిణీ.

వేలేరు, మే 18 (తెలంగాణ ముచ్చట్లు):

వేలేరు మండలం పీచర గ్రామ పంచాయతీ సిబ్బందికి సోమవారం రోజున యూనిఫాంలను గ్రామ సర్పంచ్ మరిజే అనిత నరసింహారావు అందజేశారు. గ్రామంలో పరిశుభ్రత, అభివృద్ధి కార్యక్రమాల్లో సిబ్బంది కీలక పాత్ర పోషిస్తున్నారని ఆమె తెలిపారు. సిబ్బంది క్రమశిక్షణతో విధులు నిర్వహించి పీచర గ్రామానికి మంచి పేరు తీసుకురావాలని సూచించారు.ఈ కార్యక్రమంలో గ్రామ కార్యదర్శి తోట అనిల్, ఉప సర్పంచ్ గుడికందుల ప్రశాంత్, వార్డు సభ్యులు కొలిపాక వెంకటేష్, జగన్, ఉప్పల శ్రీధర్ రెడ్డి, పురామణి కవిత, గుడికందుల రాకేష్, రామంచ ప్రశాంత్ మరియు గ్రామపంచాయతీ సిబ్బంది తదితరులు పాల్గొన్నారు.