జానపద సొగసుతో ‘సిలుకు సిలుకు సీరాలు’..!

క్యాతంపల్లిలో ఘనంగా పాట చిత్రీకరణ ప్రారంభం.. 

త్వరలో ప్రేక్షకుల ముందుకు పూర్తి గీతం

ధర్మసాగర్,ఆగస్టు10(తెలంగాణ ముచ్చట్లు): 

జానపద సొబగులు, గ్రామీణ జీవనశైలి, ప్రేమానురాగాలను ప్రతిబింబించేలా తెరకెక్కుతున్న ‘సిలుకు సిలుకు సీరాలు నాకే తెస్తానంటాడు నా మొగుడే’ పాట చిత్రీకరణకు క్యాతంపల్లి గ్రామంలో ఘనంగా శ్రీకారం చుట్టారు. ప్రముఖ గాయకుడు  "అనితా ఓ అనితా సాంగ్ పేమ్" నాగరాజు చేతుల మీదుగా చిత్రీకరణ ప్రారంభం కావడంతో గ్రామంలో సందడి నెలకొంది.గ్రామీణ నేపథ్యంలో రూపొందుతున్న ఈ పాటకు జేఎన్ దర్శకత్వం వహిస్తుండగా, జానీ ఏజే కొరియోగ్రఫీ అందిస్తున్నారు. నాని మైలారం పాటకు సాహిత్యం అందించగా, బాను టెంపో సంగీతాన్ని సమకూరుస్తున్నారు. రాకీ భాయ్ ఛాయాగ్రహణ బాధ్యతలు చేపట్టారు. మమతా రమేష్ గానం అందిస్తున్నారు.
పాటలో స్వప్న కథానాయికగా, ప్రకాష్ మహారాజ్ కథానాయకుడిగా నటిస్తున్నారు. అరవింద్ నిర్మాతగా వ్యవహరిస్తుండగా, నవీన్ బృంద నిర్వాహకుడిగా బాధ్యతలు నిర్వహిస్తున్నారు.

గ్రామీణ వాతావరణంలో ప్రత్యేక ఆకర్షణగా చిత్రీకరణ

క్యాతంపల్లి గ్రామంలోని సహజమైన వాతావరణాన్ని పాట చిత్రీకరణ కోసం వినియోగించుకోవడం ప్రత్యేక ఆకర్షణగా నిలిచింది. స్థానిక ప్రజల సహకారంతో పాటకు సంబంధించిన పలు సన్నివేశాలను చిత్రీకరించారు. చిత్రీకరణను చూసేందుకు గ్రామ ప్రజలు ఆసక్తిగా తరలివచ్చారు.
ఈ సందర్భంగా చిత్ర బృందం మాట్లాడుతూ తమకు సహకరించిన జీవీ ఫోక్స్, అర్చన ఏజే లకు ప్రత్యేక కృతజ్ఞతలు తెలిపింది. అలాగే అనితా, నాగరాజు చేతుల మీదుగా చిత్రీకరణ ప్రారంభించడం తమకు ఎంతో ఆనందంగా ఉందని పేర్కొంది.

క్యాతంపల్లి ప్రజలకు ప్రత్యేక ధన్యవాదాలు

పాట చిత్రీకరణకు సంపూర్ణ సహకారం అందించిన క్యాతంపల్లి గ్రామ ప్రజలందరికీ, గ్రామ సర్పంచ్‌కు, తమకు అండగా నిలిచిన పెద్దలందరికీ చిత్ర బృందం కృతజ్ఞతలు తెలిపింది.ముఖ్యంగా రాజిత, రాజు, కుమార్, సునిత, రవి, నిర్మల, కొమరయ్య, సుజానా తదితరులు అందించిన సహకారాన్ని చిత్ర బృందం ప్రత్యేకంగా గుర్తుచేసుకుంది.

త్వరలో పూర్తి పాట విడుదల

సంగీతం, సాహిత్యం, నృత్యం, గ్రామీణ నేపథ్యంతో రూపొందుతున్న ‘సిలుకు సిలుకు సీరాలు నాకే తెస్తానంటాడు నా మొగుడే’ పాటను త్వరలో పూర్తి స్థాయిలో ప్రేక్షకుల ముందుకు తీసుకురానున్నారు.పాటకు సంబంధించిన పూర్తి వీడియోను ‘JN Tunes 406’ వేదికలో విడుదల చేయనున్నారు. చిత్రీకరణలో జరిగిన ఆసక్తికర సన్నివేశాలు, తెరవెనుక విశేషాలను ‘Journey With JN 406’ వేదికలో అందించనున్నారు. సామాజిక మాధ్యమాల్లో ‘JN Team 406’ పేరుతో పాటకు సంబంధించిన తాజా సమాచారం అందుబాటులో ఉండనుంది.
జానపద సంగీతాన్ని అభిమానించే ప్రతి ఒక్కరూ ఈ పాటను ఆదరించి, తమ బృందాన్ని ప్రోత్సహించాలని నిర్వాహకులు కోరారు.