పెద్దమందడి–ఖిల్లా ఘనపూర్ మార్కెట్ యార్డ్ చైర్మన్, వైస్ చైర్మన్‌లకు ఘన సన్మానం.

ఖిల్లా ఘనపూర్,మే19(తెలంగాణ ముచ్చట్లు):

పెద్దమందడి, ఖిల్లా ఘనపూర్ మండలాల ఉమ్మడి మార్కెట్ యార్డ్ నూతన చైర్మన్ క్యామ నవనీత, వైస్ చైర్మన్ కొత్త కాపు వెంకటేశ్వర్ రెడ్డి, డైరెక్టర్ల ను జిల్లా కాంగ్రెస్ పార్టీ ఉపాధ్యక్షులు సాయిచరణ్ రెడ్డి  ఖిల్లా ఘనపూర్ మండల కేంద్రంలో మంగళవారం ఘనంగా సన్మానించారు.ఇటీవల నూతనంగా నియమితులైన చైర్మన్, వైస్ చైర్మన్, డైరెక్టర్లను శాలువాలతో సత్కరించి శుభాకాంక్షలు తెలియజేశారు.ఈ సందర్భంగా సాయిచరణ్ రెడ్డి మాట్లాడుతూ.. రైతుల అభ్యున్నతికి మార్కెట్ యార్డ్ కమిటీ సమిష్టిగా పనిచేసి ప్రజల విశ్వాసాన్ని నిలబెట్టుకోవాలని ఆకాంక్షించారు.నూతనంగా బాధ్యతలు స్వీకరించిన చైర్మన్ క్యామ నవనీత, వైస్ చైర్మన్ కొత్త కాపు వెంకటేశ్వర్ రెడ్డి, డైరెక్టర్లు హర్షం వ్యక్తం చేస్తూ తమపై నమ్మకం ఉంచి అవకాశం కల్పించిన ఎమ్మెల్యే మేఘారెడ్డికి ప్రత్యేక ధన్యవాదాలు తెలిపారు.రైతులకు మెరుగైన సేవలు అందించేందుకు కృషి చేస్తామని పేర్కొన్నారు.ఈ కార్యక్రమంలో కాంగ్రెస్ పార్టీ నాయకులు, కార్యకర్తలు, ప్రజాప్రతినిధులు, అభిమానులు తదితరులు పాల్గొన్నారు.