హుజురాబాద్ రూరల్,మే 17(తెలంగాణ ముచ్చట్లు ):
హుజురాబాద్ మండలం జూపాక గ్రామంలో పోచమ్మ తల్లి బోనాల ఉత్సవాలు ఆదివారం భక్తిశ్రద్ధలతో ఘనంగా నిర్వహించారు. గౌడ కులస్తుల ఆధ్వర్యంలో జరిగిన ఈ వేడుకల్లో గ్రామస్తులు, మహిళలు, యువకులు పెద్ద సంఖ్యలో పాల్గొన్నారు.
ఉదయం నుంచే గ్రామంలో ఆధ్యాత్మిక వాతావరణం నెలకొంది. మహిళలు నెత్తిన బోనాలు ఎత్తుకొని డప్పు చప్పుళ్లు, మంగళవాయిద్యాల నడుమ ఊరేగింపుగా వెళ్లి పోచమ్మ తల్లికి ప్రత్యేక పూజలు నిర్వహించారు. అనంతరం భక్తులు అమ్మవారికి బోనం సమర్పించి మొక్కులు చెల్లించుకున్నారు.
గ్రామంలో పాడి పంటలు బాగా పండాలని, ప్రజలు సుఖశాంతులతో ఉండాలని అమ్మవారిని ప్రార్థించారు. ఈ కార్యక్రమంలో గౌడ సంఘం నాయకులు, గ్రామ పెద్దలు, మహిళలు, భక్తులు భారీ సంఖ్యలో పాల్గొన్నారు.
Comments