హుజురాబాద్,మే 19(తెలంగాణ ముచ్చట్లు ):
హుజురాబాద్ పట్టణంలో పోలీసులు ముమ్మర డ్రంక్ అండ్ డ్రైవ్ తనిఖీలు నిర్వహించారు. వాహనదారులు మద్యం సేవించి వాహనాలు నడపకుండా అప్రమత్తం చేయడానికి ప్రత్యేక డ్రైవ్ చేపట్టారు. ఈ సందర్భంగా పలువురు వాహనదారులను ఆపి ఆల్కహాల్ పరీక్షలు నిర్వహించారు.
ట్రాఫిక్ నిబంధనలు పాటించాలని, మద్యం సేవించి వాహనాలు నడిపితే కఠిన చర్యలు తప్పవని పోలీసులు హెచ్చరించారు. ఈ తనిఖీల్లో వాహనాల పత్రాలు, హెల్మెట్, లైసెన్స్ తదితరాలను కూడా పరిశీలించారు.
ప్రజల భద్రత కోసమే ఈ ప్రత్యేక డ్రైవ్ నిర్వహిస్తున్నామని పోలీసులు తెలిపారు. హుజురాబాద్,జమ్మికుంట ప్రధాన రహదారి నేషనల్ హైవే వద్ద ఈ తనిఖీలు కొనసాగించినట్లు పేర్కొన్నారు.
Comments