భీమదేవరపల్లిలో బెల్ట్ షాపుల నిషేధానికి ఏకగ్రీవ తీర్మానం.

భీమదేవరపల్లి, జూన్ 1 (తెలంగాణ ముచ్చట్లు)

భీమదేవరపల్లి గ్రామపంచాయతీలో సోమవారం నిర్వహించిన పాలకవర్గ సమావేశంలో గ్రామ ప్రజల ఆరోగ్యం, శాంతిభద్రతలను దృష్టిలో ఉంచుకుని గ్రామంలోని బెల్ట్ షాపులను పూర్తిగా మూసివేయాలని ఏకగ్రీవంగా తీర్మానించారు.
గ్రామంలో మద్యం అక్రమ విక్రయాలను అరికట్టి, యువతను మద్యం వ్యసనానికి దూరంగా ఉంచేందుకు ఈ నిర్ణయం తీసుకున్నట్లు సమావేశంలో సభ్యులు పేర్కొన్నారు. గ్రామాభివృద్ధి, ప్రజారోగ్య పరిరక్షణకు ఈ చర్య దోహదపడుతుందని అభిప్రాయపడ్డారు.
ఈ సమావేశంలో సర్పంచ్ మాచర్ల కుమారస్వామి, ఉప సర్పంచ్ శనిగరం అయిలయ్య, గ్రామ కార్యదర్శి రాజు, వార్డు సభ్యులు ప్రేమలత, సదానందం, శ్రీనివాస్ రెడ్డి, పోలు అశోక్, సాగంటి వెంకటేశ్వర్లు, బొల్లంపల్లి శ్యామ్, విజయ, సంధ్య పాల్గొన్నారు.