సత్తుపల్లి, నవంబర్ 22 (తెలంగాణ ముచ్చట్లు):
కల్లూరు ఉపవిభాగ సహాయ పోలీసు అధికారి (ఏసీపీ)గా వసుంధర యాదవ్ బాధ్యతలు స్వీకరించారు. ఇంతకుముందు పనిచేసిన ఏసీపీ బదిలీపై వెళ్లడంతో ఖాళీ అయిన ఈ పదవిని రాష్ట్ర పోలీసు వ్యవస్థ నేడు భర్తీ చేసింది.
వసుంధర యాదవ్ బాధ్యతలు స్వీకరించిన సందర్భంగా కార్యాలయంలో పలువురు పోలీసు అధికారులు, సిబ్బంది ఆమెకు హార్దిక శుభాకాంక్షలు తెలిపారు. ప్రజాసేవే ప్రధాన లక్ష్యమని, శాంతి భద్రతల పరిరక్షణకు ప్రాధాన్యతనిస్తూ, ఏ సమస్య వచ్చిన వెంటనే స్పందించేలా పోలీసు వ్యవస్థను మరింత బలోపేతం చేస్తామని ఆమె పేర్కొన్నారు.
కల్లూరు పరిధిలో నేరచట్టాలపై కఠిన చర్యలు తీసుకుంటామని, అక్రమ కార్యకలాపాలపై ప్రత్యేక దృష్టి సారిస్తామని ఏసీపీ స్పష్టం చేశారు. ప్రజలు ఎటువంటి భయంకర భావం లేకుండా తమ సమస్యలను పోలీసులకు తెలియజేయాలని ఆమె కోరారు.
Comments