దుర్గామాతను దర్శించుకున్న ఏఐపీసీ రాష్ట్ర అధ్యక్షుడు డా. జిల్లెల ఆదిత్య రెడ్డి.

ఖిల్లా ఘనపూర్,అక్టోబర్19(తెలంగాణ ముచ్చట్లు):

శ్రీ దేవి శరన్నవరాత్రి ఉత్సవాల్లో భాగంగా వనపర్తి జిల్లా ఖిల్లా ఘనపూర్ మండలం మనజీపేట గ్రామంలో ప్రతిష్ఠించిన శ్రీ దుర్గామాత అమ్మవారిని తెలంగాణ రాష్ట్ర ఏఐపీసీ అధ్యక్షుడు డా. జిల్లెల ఆదిత్య రెడ్డి దర్శించుకుని ప్రత్యేక పూజలు నిర్వహించారు.గ్రామానికి చెందిన రవీందర్ రెడ్డి ఆహ్వానం మేరకు మనజీపేట గ్రామానికి విచ్చేసిన ఆయనకు గ్రామ పెద్దలు, స్థానిక నాయకులు స్వాగతం పలికారు. అనంతరం అమ్మవారిని దర్శించుకుని భక్తిశ్రద్ధలతో పూజలు చేశారు. ఈ సందర్భంగా గ్రామంలో నిర్వహిస్తున్న దేవి నవరాత్రి ఉత్సవాల గురించి నిర్వాహకులు వివరించారు.ఈ కార్యక్రమంలో గ్రామ సర్పంచ్ శ్రీలత రాఘవేందర్, కాంగ్రెస్ పార్టీ సీనియర్ నాయకులు రామచంద్రయ్య, వనపర్తి జిల్లా మాజీ సోషల్ మీడియా కన్వీనర్ ఎం. దేవన్న యాదవ్, వెంకటేష్, మలేష్, బుచ్చన్న, పొనుగంటి శీను, నవీన్ తదితరులు పాల్గొన్నారు.