దసరా కానుకగా పంచాయతీ సిబ్బందికి నూతన వస్త్రాలు.

వేలేరు, అక్టోబర్ 19 (తెలంగాణ ముచ్చట్లు):

దసరా పండుగను పురస్కరించుకుని వేలేరు గ్రామపంచాయతీకి చెందిన 18 మంది సిబ్బందికి ఉప సర్పంచ్ శ్రీకర్ తన సొంత ఖర్చులతో నూతన వస్త్రాలను పంపిణీ చేశారు. సర్పంచ్ బిల్లా యాదగిరి సమక్షంలో ఈ కార్యక్రమం నిర్వహించారు.
ఈ సందర్భంగా సర్పంచ్ బిల్లా యాదగిరి మాట్లాడుతూ గ్రామపంచాయతీ సిబ్బంది గ్రామ అభివృద్ధికి, ప్రజలకు సేవలందించడంలో కీలక పాత్ర పోషిస్తున్నారని కొనియాడారు. దసరా పండుగ సందర్భంగా సిబ్బందికి నూతన వస్త్రాలను అందించి సంతోషాన్ని పంచుకున్న ఉప సర్పంచ్ శ్రీకర్‌ను ప్రత్యేకంగా అభినందించారు.
ఈ కార్యక్రమంలో గ్రామపంచాయతీ కార్యదర్శి విజయ, వార్డు సభ్యుడు లక్ష్మీనారాయణ, గ్రామపంచాయతీ సిబ్బంది పాల్గొన్నారు.