పెద్దమందడి,అక్టోబర్22(తెలంగాణ ముచ్చట్లు):
వనపర్తి జిల్లా పెద్దమందడి మండలం వెల్టూర్ గ్రామ సర్పంచ్ దండు అశోక్ మాతృమూర్తి దండు నాగేంద్రమ్మ గురువారం ఉదయం మృతి చెందారు. నాగేంద్రమ్మ మృతి విషయం తెలుసుకున్న మాజీ మంత్రి, బీఆర్ఎస్ నాయకులు సింగిరెడ్డి నిరంజన్ రెడ్డి వెల్టూర్ గ్రామంలోని ఆమె నివాసానికి చేరుకున్నారు. నాగేంద్రమ్మ భౌతికకాయానికి పూలమాల వేసి ఘనంగా నివాళులర్పించారు.అనంతరం నాగేంద్రమ్మ కుమారులైన సర్పంచ్ అశోక్, నరేష్‌లతో పాటు ఇతర కుటుంబ సభ్యులను మాజీ మంత్రి నిరంజన్ రెడ్డి పరామర్శించారు. మాతృమూర్తిని కోల్పోయి విషాదంలో ఉన్న కుటుంబ సభ్యులకు తన ప్రగాఢ సానుభూతిని తెలియజేశారు. ఈ కష్ట సమయంలో కుటుంబ సభ్యులు ధైర్యంగా ఉండాలని సూచిస్తూ, వారికి మనోధైర్యాన్ని కల్పించారు.కుటుంబంలో పెద్దదిక్కుగా ఉన్న మాతృమూర్తిని కోల్పోవడం తీరని లోటని పేర్కొంటూ, నాగేంద్రమ్మ మృతి పట్ల సంతాపం వ్యక్తం చేశారు. కుటుంబ సభ్యులకు తన సానుభూతిని తెలియజేసి, వారి దుఃఖంలో పాలుపంచుకున్నారు.ఈ కార్యక్రమంలో మాజీ మంత్రి సింగిరెడ్డి నిరంజన్ రెడ్డితో పాటు బీఆర్ఎస్ పార్టీ నాయకులు, కార్యకర్తలు పాల్గొన్నారు.
Comments