ఎండల తాకిడితో మూగజీవుల ఉగ్రరూపం… జమ్మికుంటలో జాగ్రత్తలు తప్పనిసరి

జమ్మికుంట టౌన్ ఏప్రిల్ 26 (తెలంగాణ ముచ్చట్లు):

పట్టణంలో పెరుగుతున్న ఎండల తీవ్రత మధ్య మానవులు మాత్రమే కాదు, మూగజీవులు కూడా తీవ్ర ఇబ్బందులు ఎదుర్కొంటున్నాయని మున్సిపల్ చైర్మన్ శ్రీ మొలుగు ప్రశాంత్ కుమార్ దిలీప్ పేర్కొన్నారు. ఈ నేపథ్యంలో పట్టణ పరిధిలోని ప్రభుత్వ ఆసుపత్రిని సందర్శించిన ఆయన, వేసవి కాలంలో ఎదురయ్యే ఆరోగ్య సమస్యలు, జంతువుల ప్రవర్తనలో మార్పులపై వైద్యులతో సమీక్ష నిర్వహించారు.

చెట్ల నరికివేత కారణంగా సహజ నివాసాలను కోల్పోయిన కోతులు, అలాగే నీరు–ఆహారం కొరతతో అలమటిస్తున్న వీధి కుక్కలు కాలనీల్లోకి వచ్చి సంచరిస్తున్నాయని ఆయన తెలిపారు. ఎండ తీవ్రత వల్ల ఈ జంతువులు అసహనానికి గురై, ఆగ్రహంతో ప్రవర్తించే పరిస్థితులు కనిపిస్తున్నాయని చెప్పారు. ముఖ్యంగా పిల్లలు, వృద్ధులు వీటి బారిన పడే ప్రమాదం ఎక్కువగా ఉందని హెచ్చరించారు.

“ప్రస్తుతం పరిస్థితుల్లో జంతువుల ప్రవర్తనను తక్కువ అంచనా వేయకూడదు. అవి దాడి చేసే అవకాశం ఉన్నందున ప్రజలు అప్రమత్తంగా ఉండాలి. ఎవరైనా కుక్కలు లేదా కోతుల దాడికి గురైతే వెంటనే ప్రభుత్వ ఆసుపత్రికి వెళ్లి వైద్యుల సూచన మేరకు టీకాలు తీసుకోవడం తప్పనిసరి” అని చైర్మన్ స్పష్టం చేశారు.

ఇకపోతే, ప్రజలు తమ ఇళ్ల పరిసరాల్లో నీటి పాత్రలు ఏర్పాటు చేసి మూగజీవాలకు తాగునీరు అందించాలన్నారు. చెట్ల సంరక్షణపై దృష్టి పెట్టాలని, పచ్చదనం పెంపు ద్వారా జంతువులకు సహజ వాతావరణం కల్పించవచ్చని సూచించారు.

మున్సిపల్ యంత్రాంగం తరఫున వీధి కుక్కల నియంత్రణ, శుభ్రత చర్యలు, ప్రజలకు అవగాహన కార్యక్రమా IMG-20260426-WA0047

లు చేపడతామని ఆయన తెలిపారు. ప్రజలు భయాందోళనలకు గురికాకుండా జాగ్రత్తలు పాటిస్తూ సహకరించాలని కోరారు.