పెద్దమందడి,ఏప్రిల్(25తెలంగాణ ముచ్చట్లు):
వనపర్తి జిల్లా పెద్దమందడి మండలం అల్వాల గ్రామానికి చెందిన రైతు వెంకట్ రెడ్డి వరి కొనుగోలు కేంద్రాలను వెంటనే ఏర్పాటు చేయాలని ప్రభుత్వాన్ని విజ్ఞప్తి చేస్తున్నారు. ప్రస్తుత వర్షాభావ పరిస్థితుల నేపథ్యంలో తమ పంటను ఎక్కువకాలం నిల్వ ఉంచడం కష్టమవుతోందని రైతుల్లో ఆందోళన వ్యక్తం అవుతుందని తెలిపారు.రైతులు మాట్లాడుతూ.. ఇప్పటికే పంట కోత పూర్తయినప్పటికీ కొనుగోలు కేంద్రాలు లేకపోవడంతో ఇబ్బందులు ఎదుర్కొంటున్నామని చెప్పారు. దీంతో దళారులపై ఆధారపడాల్సిన పరిస్థితి ఏర్పడుతోందని ఆవేదన వ్యక్తం చేశారు.అందువల్ల ప్రభుత్వం తక్షణమే స్పందించి గ్రామంలో వరి కొనుగోలు కేంద్రాలను ఏర్పాటు చేసి, కొనుగోలు ప్రక్రియను వేగవంతం చేయాలని రైతులు డిమాండ్ చేశారు. రైతులకు న్యాయమైన ధర లభించేలా చర్యలు తీసుకోవాలని కోరారు. కార్యక్రమంలో రైతులు పాల్గొన్నారు.
Comments