డంపింగ్ యార్డ్‌పై హోరాహోరీ పోరాటం.

అరెస్టులతో కొత్త మలుపు.

హుజురాబాద్ టౌన్ ఏప్రిల్ 22 (తెలంగాణ ముచ్చట్లు):

హుజురాబాద్‌లో డంపింగ్ యార్డ్, వేస్ట్ టు ఎనర్జీ ప్రాజెక్ట్‌లపై ప్రజల ఆగ్రహం అగ్గిపుల్లలా రగులుతోంది. ప్రభుత్వం ఈ నిర్ణయాన్ని వెంటనే వెనక్కు తీసుకోవాలని డిమాండ్ చేస్తూ బుధవారం నిర్వహించిన భారీ నిరసనలో ఉద్రిక్త పరిస్థితులు నెలకొన్నాయి. బీజేపీ కరీంనగర్ జిల్లా అధ్యక్షుడు గంగాడి కృష్ణారెడ్డి ముందుండి నిరసనలో పాల్గొనగా, పోలీసులు ఆయనను అరెస్టు చేసి పోలీస్ స్టేషన్‌కు తరలించారు. ఆయనతో పాటు పలువురు బీజేపీ నాయకులు, కార్యకర్తలను అదుపులోకి తీసుకోవడం ఉద్రిక్తతను మరింత పెంచింది.

అరెస్టుల నేపథ్యంలో నాయకులు తీవ్రంగా స్పందిస్తూ, “ప్రజల హక్కుల కోసం చేస్తున్న పోరాటాన్ని ఎవరూ అణచలేరు… అరెస్టులతో భయపడేది లేదు” అని స్పష్టం చేశారు. ప్రభుత్వం వెంటనే డంపింగ్ యార్డ్, వేస్ట్ టు ఎనర్జీ ప్రాజెక్ట్‌లను రద్దు చేయకపోతే ఉద్యమాన్ని రాష్ట్రవ్యాప్తంగా విస్తరించి మరింత ఉధృతం చేస్తామని హెచ్చరించారు.

ఇదిలా ఉండగా, సిర్సపల్లి గ్రామ శివారులో ప్రతిపాదించిన వేస్ట్ టు ఎనర్జీ ప్రాజెక్ట్‌కు వ్యతిరేకంగా అఖిలపక్ష ఐక్య పోరాట కమిటీ ఆధ్వర్యంలో గత నెల రోజులుగా కొనసాగుతున్న నిరసన దీక్షలు ప్రజల్లో చైతన్యం రగిలిస్తున్నాయి. బుధవారం నిర్వహించిన దీక్షలో పెన్షనర్లు, బీసీ సంఘాలు, సామాజిక సంస్థలు పెద్ద ఎత్తున పాల్గొని తమ ఐక్యతను చాటాయి.

ఈ సందర్భంగా నాయకులు గంభీర హెచ్చరికలు జారీ చేస్తూ, “చెత్త కాల్చే ప్రక్రియలో వెలువడే విషవాయువులు గాలిని విషపూరితం చేస్తాయి… భూమిలోకి చేరే రసాయనాలు నీటిని కలుషితం చేసి పంటలను నాశనం చేస్తాయి” అని ఆందోళన వ్యక్తం చేశారు. ప్రజలు క్యాన్సర్ వంటి ప్రాణాంతక వ్యాధులకు గురయ్యే ప్రమాదం ఉందని పేర్కొన్నారు.

ప్రజల ప్రాణాలను పణంగా పెట్టే ఈ ప్రాజెక్ట్‌ను వెంటనే రద్దు చేయాలని, లేకపోతే జనావాసాలకు దూరంగా తరలించాలని డిమాండ్ చేశారు. “ఇప్పటికైనా ప్రభుత్వం ప్రజల స్వరాన్ని వినాలి… లేదంటే ఈ ఉద్యమం మరింత పెద్దదిగా మారుతుంది” అని హెచ్చరించారు.

ఈ కార్యక్రమంలో వివిధ సంఘాల నాయకులు, కార్యకర్తలు, యువత, స్థానిక ప్రజలు భారీ సంఖ్యలో పాల్గొని ఉద్యమానికి గట్టి మద్దతు ప్రకటించారు. హుజురాబాద్‌లో IMG-20260422-WA0069