జమ్మికుంట టౌన్ మే 06 (తెలంగాణ ముచ్చట్లు):
హైకోర్టు తీర్పు నేపథ్యంలో ప్రాథమిక వ్యవసాయ సహకార సంఘం (పాక్స్) చైర్మన్గా తిరిగి పదవీ బాధ్యతలు స్వీకరించిన పొనగంటి సంపత్ను తెలంగాణ రాష్ట్ర సహకార సంఘాల నాయకుడు, జమ్మికుంట మున్సిపల్ మాజీ చైర్మన్ తక్కళ్లపల్లి రాజేశ్వర్ రావు శాలువాతో ఘనంగా సత్కరించారు. ఈ సందర్భంగా పాలకవర్గ సభ్యులను కూడా అభినందిస్తూ, సంఘం అభివృద్ధికి కలసికట్టుగా కృషి చేయాలని ఆకాంక్షించారు.
తీర్పు ద్వారా న్యాయం సాధించినందుకు సంతోషం వ్యక్తం చేసిన రాజేశ్వర్ రావు, రైతుల సంక్షేమమే ప్రధాన లక్ష్యంగా పని చేయాలని సూచించారు. కార్యక్రమంలో పలువురు నాయకులు, సభ్యులు పాల్గొని సంపత్కు శుభాకాంక్షలు తెలియజేశారు.
Comments