లంచం తీసుకుంటూ అనిశా అధికారులకు దొరికిన జిహెచ్ఎంసి డిప్యూటీ కమీషనర్

హైదరాబాద్, తెలంగాణ ముచ్చట్లు:

రాజేంద్రనగర్ పురపాలక సంఘం, జిహెచ్ఎంసి ఒకటవ వలయానికి చెందిన డిప్యూటీ కమీషనర్ కె.రవి కుమార్ రూ.2 లక్షల లంచం తీసుకుంటూ తెలంగాణ అవినీతి నిరోధక శాఖ (అనిశా) అధికారులకు పట్టుబడ్డారు.ఒక ఫిర్యాదుదారుని హోటల్ వంటగదిలో తనిఖీ సందర్భంగా గుర్తించిన అవకతవకల ఆధారంగా, హోటల్‌ను జప్తు చేయకుండా, హోటల్‌ ప్రతిష్ఠ దెబ్బతినకుండా ఉండేందుకు, భవిష్యత్తులో వ్యాపారం సజావుగా కొనసాగేందుకు రూ.5 లక్షల లంచం డిమాండ్ చేసినట్లు అనిశా వెల్లడించింది. అందులో భాగంగా, డిమాండుకు అనుగుణంగా రూ.2 లక్షలు స్వీకరిస్తుండగా అధికారులు ఆయనను పట్టుకున్నారు.