వైభవంగా వెంకటేశ్వర స్వామి వార కళ్యాణం.

పాల్గొన్న చైర్మన్ పొట్లపల్లి శ్రీధర్ రావు కిరణ్మయి దంపతులు!

చిల్పూర్, అక్టోబర్ 31 (తెలంగాణ ముచ్చట్లు):

జనగాం జిల్లా చిల్పూర్ గ్రామంలోని శ్రీశ్రీశ్రీ బుగులు వేంకటేశ్వర స్వామి దేవస్థానంలో శనివారం స్వామివారి వార కళ్యాణం అత్యంత వైభవంగా జరిగింది.వేదమంత్రోచ్ఛారణల మధ్య అర్చకులు కళ్యాణ క్రతువును శాస్త్రోక్తంగా నిర్వహించారు. ఈ కళ్యాణోత్సవంలో వివిధ గ్రామాల నుండి, పట్టణాల నుండి భక్తులు అధిక సంఖ్యలో పాల్గొని స్వామివారిని దర్శించుకున్నారు. భక్తులతో ఆలయ ప్రాంగణం కిక్కిరిసిపోయింది.ఈ కార్యక్రమంలో దేవాలయ చైర్మన్ పొట్లపల్లి శ్రీధర్ రావు - కిరణ్మయి దంపతులు, ధర్మకర్త మండలి సభ్యులు పాల్గొన్నారు. ఆలయ ఈవో శ్రీమతి బి. లక్ష్మీ ప్రసన్న ఆధ్వర్యంలో ఈ కార్యక్రమం నిర్వహించబడింది.ముఖ్య అర్చకులు బ్రాహ్మణపల్లి రవీందర్ శర్మ, అర్చకులు సౌమిత్రి శ్రీరంగాచార్యులు, కృష్ణమాచార్యులు కళ్యాణాన్ని నిర్వహించగా, ఆలయ సిబ్బంది సహకరించారు. కళ్యాణం అనంతరం భక్తులకు అన్నప్రసాద వితరణ నిర్వహించారు.ఈ కార్యక్రమంతో చిల్పూర్ గుట్ట మొత్తం భక్తి భావంతో, పండుగ వాతావరణంతో నిండిపోయింది.