జనగాం,అక్టోబర్ 29 (తెలంగాణ ముచ్చట్లు):
జనగామ జిల్లా రఘునాథపల్లి మండలం వెల్ది తెలంగాణ రాష్ట్ర మోడల్ స్కూల్‌కు చెందిన తొమ్మిదో తరగతి విద్యార్థిని ఎడ్ల రితిక రాష్ట్రస్థాయి ఫుట్‌బాల్ పోటీలకు ఎంపికైంది.గత నెల 23న జనగామ జిల్లా కేంద్రంలోని తెలంగాణ రాష్ట్ర సాంఘిక సంక్షేమ గురుకుల పాఠశాలలో నిర్వహించిన ఉమ్మడి వరంగల్ జిల్లా స్థాయి అండర్‌-14 బాలబాలికల ఫుట్‌బాల్ పోటీల్లో రితిక అత్యుత్తమ ప్రతిభ కనబరిచి రాష్ట్రస్థాయి పోటీలకు అర్హత సాధించింది.ఈ నెల 29, 30, 31 తేదీల్లో మేడ్చల్‌-మల్కాజిగిరి జిల్లా కండ్లకోయలోని సన్‌ఫ్లవర్స్ వేదిక్ పాఠశాలలో నిర్వహిస్తున్న తెలంగాణ రాష్ట్రస్థాయి అండర్‌-14 ఫుట్‌బాల్ పోటీల్లో రితిక పాల్గొంటోంది.విద్యార్థిని రాష్ట్రస్థాయి పోటీలకు ఎంపిక కావడంపై పాఠశాల ప్రిన్సిపల్ పాలకుర్తి శ్రీధర్, వ్యాయామ ఉపాధ్యాయులు మారపాక రాజయ్య, బైరి వెనీల్ కుమార్‌తో పాటు పాఠశాల సిబ్బంది హర్షం వ్యక్తం చేశారు. రితిక భవిష్యత్తులో మరిన్ని విజయాలు సాధించి పాఠశాలకు, జిల్లాకు మంచి పేరు తీసుకురావాలని ఆకాంక్షించారు.
Comments