ముల్కనూర్, అక్టోబర్ 23 (తెలంగాణ ముచ్చట్లు):
భీమదేవరపల్లి మండలంలోని సహకార పారాబాయిల్డ్ రైస్ మిల్లు ఆవరణలో శుక్రవారం పత్తి కొనుగోలు కేంద్రాన్ని జిల్లా సహకార అధికారి బి. మోహన్, సంఘ అధ్యక్షులు అలిగిరెడ్డి ప్రవీణ్ రెడ్డి, సంఘ జనరల్ మేనేజర్ ఎం. రాంరెడ్డి ప్రారంభించారు.
ఈ సందర్భంగా మార్కెట్‌లో పత్తి ధర క్వింటాల్‌కు రూ.9,010 ఉండగా, సహకార సంఘం అదనంగా రూ.200 కలిపి క్వింటాల్‌కు రూ.9,210 చొప్పున కొనుగోలు చేయనున్నట్లు తెలిపారు. దీంతో రైతులకు మార్కెట్ ధర కంటే అదనపు ధర లభించనుంది.
ఈ కార్యక్రమంలో సంఘ కార్యవర్గ సభ్యులు, మిల్లు మేనేజర్ అభిలాష్ రెడ్డి, రైతులు పాల్గొన్నారు.
Comments