చిల్పూర్, అక్టోబర్ 29 (తెలంగాణ ముచ్చట్లు):
పట్టభద్రుల ఎమ్మెల్సీ ఎన్నికల నేపథ్యంలో ఓటరు నమోదు ప్రక్రియను వేగవంతం చేసేందుకు కాంగ్రెస్ నాయకులు కృషి చేస్తున్నారు. స్టేషన్ ఘన్‌పూర్ ఎమ్మెల్యే కడియం శ్రీహరి, వరంగల్ ఎంపీ కడియం కావ్య ఆదేశాల మేరకు చిల్పూర్ దేవస్థానం చైర్మన్ పొట్లపల్లి శ్రీధర్ రావు ఆధ్వర్యంలో గురువారం మల్కాపూర్ గ్రామంలో పట్టభద్రుల ఓటరు నమోదు కార్యక్రమం నిర్వహించారు.
ఈ సందర్భంగా కాంగ్రెస్ నాయకులు గ్రామంలోని పట్టభద్రుల ఇళ్లకు వెళ్లి ఓటరు నమోదు ప్రాధాన్యతను వివరించారు. ఇప్పటివరకు ఓటరుగా నమోదు చేసుకోని అర్హులైన పట్టభద్రులు అవసరమైన పత్రాలను అందజేస్తే, ఆన్‌లైన్ ద్వారా నమోదు చేసేందుకు సహకరిస్తామని తెలిపారు. అర్హులైన ప్రతి పట్టభద్రుడు ఓటరు జాబితాలో పేరు నమోదు చేసుకునేలా అవగాహన కల్పించారు.
ఈ కార్యక్రమంలో మండల నాయకులు ఎడవెల్లి మల్లారెడ్డి, ఉపసర్పంచ్ పశుల వెంకటేశ్వర్లు, గ్రామ శాఖ అధ్యక్షుడు జంగం రవి, డైరెక్టర్ యశ్వంత్ రెడ్డి, వార్డు సభ్యులు హరీష్, రాకేష్, కుమారస్వామి, రాణి, నాదం, కుమార్, రవి, మదిరెడ్డి మోహన్ రెడ్డి, పొన్న రాజయ్య, వెంకట్ రెడ్డి, చంద్రమౌళి తదితరులు పాల్గొన్నారు.
Comments