వనపర్తి,ఆగస్టు31(తెలంగాణ ముచ్చట్లు):
వనపర్తి నుంచి పెద్దమందడి మండల కేంద్రానికి ఆర్టీసీ బస్సు సర్వీసులు ఏర్పాటు చేయాలని బీఆర్ఎస్ నాయకులు కోరారు. ఫోన్ ఇన్ కార్యక్రమంలో వనపర్తి ఆర్టీసీ డిఎం దేవేందర్ గౌడ్ తో ఫోన్ లో మాట్లాడిన విఆర్ఎస్ నేతలు పెద్దమందడి మండల ప్రజలు, విద్యార్థులు ఎదుర్కొంటున్న రవాణా ఇబ్బందులను వివరించారు.పెద్దమందడి మండల కేంద్రానికి నిత్యం వనపర్తి నుంచి ప్రజలు, విద్యార్థులు రాకపోకలు సాగిస్తుంటారని, సరైన బస్సు సౌకర్యం లేక తీవ్ర ఇబ్బందులు పడుతున్నారని నేతలు తెలిపారు. ముఖ్యంగా ఉదయం, సాయంత్రం వేళల్లో బస్సు సర్వీసులు అందుబాటులో ఉండేలా చర్యలు తీసుకోవాలని కోరారు.ప్రజల అవసరాలను దృష్టిలో ఉంచుకుని వనపర్తి–పెద్దమందడి మధ్య ఆర్టీసీ బస్సు సర్వీసులు నడిపించాలని వారు డీఎంను కోరారు. దీనిపై డీఎం సానుకూలంగా స్పందించి సమస్యను పరిశీలించి అవసరమైన చర్యలు తీసుకుంటామని హామీ ఇచ్చినట్లు బీఆర్ఎస్ నేతలు తెలిపారు.
Comments