రైతే రాజట"
నీ నోటిన దేశం
అప్పుల మట్టి కొట్టిన
ఆ మట్టి పొరనుండి మెతుకుగా మారి
దేశ తనువుకు ప్రాణ భిక్షమెట్టిన త్యాగం నీది.
నీ శ్రమ కిలో "రూపాయేనని"
అంగళ్లలో గుండెలపై గుద్ది పంపినా
మళ్ళీ మన్నును
ముద్దాడి దున్ని
ఎద విరుచుకుని
"అన్నదాతగా"
జాతిని నిలిపిన ధైర్యం నీది
నువ్వే రాజనే మాటల కోటపై మరో యుగమన్నా నిను కూర్చుండబెట్టి
పట్టాభిషేకాన్ని పొడిగించేసే
పన్నాగమేసిన ప్రజాస్వామ్యమిది
ఆత్మ గౌరవమనే
నీ పిడికిడి పొట్టకు
పలు తరాలుగా
పస్తులు పెట్టి
దళారీ నక్కల
"దోపిడీ పంటలు"
ఏపుగా పండే
రైతు సుభిక్ష రాజ్యమిది.
✍️రచయిత :
నేపా.సంతోష్ అచ్యుత్ కుమార్, అసిస్టెంట్ ప్రొఫెసర్, కాళోజి ప్రతిభ పురస్కార గ్రహీత,విజయవాడ,
8639442397.
.jpeg)
Comments