.jpeg)
పెద్దమందడి,సెప్టెంబర్17(తెలంగాణ ముచ్చట్లు):
పెద్దమందడి మండల బిజెపి కార్యాలయంలో తెలంగాణ విమోచన దినోత్సవాన్ని ఘనంగా నిర్వహించారు. ఈ సందర్భంగా బిజెపి మండలాధ్యక్షుడు ముప్పూరి చెన్నయ్య జాతీయ పతాకాన్ని ఆవిష్కరించి, స్వాతంత్ర్య సమరయోధుల త్యాగాలను స్మరించారు.తదనంతరం భారత ప్రధాని నరేంద్ర మోడీ 75వ జన్మదిన వేడుకలు ఘనంగా నిర్వహించారు. ముప్పూరి చెన్నయ్య ఆధ్వర్యంలో జరిగిన ఈ కార్యక్రమంలో మోడీ పుట్టినరోజు పురస్కరించుకొని రక్తదాన శిబిరం ఏర్పాటు చేశారు. బిజెపి నాయకులు, కార్యకర్తలు ఉత్సాహంగా పాల్గొని రక్తదానం చేశారు.
ఈ సందర్భంగా నాయకులు మాట్లాడుతూ, “మోడీ దేశ అభివృద్ధి కోసం అహర్నిశలు కృషి చేస్తున్నారు. ఆయన పుట్టినరోజును సేవా కార్యక్రమాలతో జరుపుకోవడం ప్రతి కార్యకర్త బాధ్యత” అని పేర్కొన్నారు. ఈ కార్యక్రమంలో మాజీ జడ్పీ చైర్మన్ లోకనాథ్ రెడ్డి, మండల అధ్యక్షుడు ముప్పూరి చెన్నయ్య, శివారెడ్డి, తిరుపతయ్యతో పాటు బిజెపి నాయకులు, కార్యకర్తలు పెద్ద ఎత్తున పాల్గొని విజయవంతం చేశారు.
.jpeg)
.jpeg)
Comments