జిల్లా కలెక్టర్ కార్యాలయంలో వడ్డే ఓబన్న 219వ జయంతి వేడుకలు

వనపర్తి,జనవరి11(తెలంగాణ ముచ్చట్లు):

జిల్లా కలెక్టర్ కార్యాలయంలో వడ్డే ఓబన్న 219వ జయంతి వేడుకలు ఘనంగా నిర్వహించబడ్డాయి. ఈ కార్యక్రమంలో వడ్డెర సంఘం నాయకులు పాల్గొని వడ్డే ఓబన్న చిత్రపటానికి పూలమాలలు వేసి ఘన నివాళులు అర్పించారు.
ఈ సందర్భంగా వడ్డెర సంఘం నాయకులు మాట్లాడుతూ.. వడ్డే ఓబన్న వడ్డెర సమాజానికి ఆదర్శప్రాయుడని, ఆయన సేవలు చిరస్మరణీయమని కొనియాడారు. సమాజ అభివృద్ధి, సామాజిక సమానత్వం కోసం ఆయన చేసిన పోరాటాన్ని ఈ తరం గుర్తుంచుకోవాలని అన్నారు.
వడ్డెర సంఘం నాయకులు, కార్యకర్తలు పెద్ద సంఖ్యలో పాల్గొని జయంతి వేడుకలను ఘనంగా నిర్వహించారు. ఇలాంటి కార్యక్రమాలు యువతలో సామాజిక చైతన్యాన్ని పెంపొందిస్తాయని నాయకులు తెలిపారు.