వెల్టూర్‌లో ఓటర్ నమోదు సవరణలపై అవగాహన.

పెద్దమందడి,జూలై13(తెలంగాణ ముచ్చట్లు):

పెద్దమందడి మండలం వెల్టూర్ గ్రామంలో ప్రత్యేక ఓటరు జాబితా సవరణ కార్యక్రమంలో భాగంగా బీఎల్‌ఓ ఇన్‌చార్జి కరుణ, బీఎల్‌ఏ- 2 ఇన్‌చార్జి మద్దూర్ నరసింహ గ్రామంలో సోమవారం ఇంటింటికీ వెళ్లి ఓటర్లకు ఓటరు నమోదు, ఓటరు వివరాల సవరణ, చిరునామా మార్పు, పేర్ల తొలగింపు తదితర సేవలకు సంబంధించిన దరఖాస్తు ఫారాలను అందజేస్తూ అవగాహన కల్పించారు. ఫారాలను సక్రమంగా నింపే విధానం, అవసరమైన ధ్రువపత్రాలు, దరఖాస్తు సమర్పణ ప్రక్రియ గురించి వివరించారు.ఈ సందర్భంగా 18 సంవత్సరాలు నిండిన ప్రతి అర్హుడు తప్పనిసరిగా ఓటరుగా నమోదు చేసుకోవాలని, ఇప్పటికే ఓటరు జాబితాలో ఉన్నవారు తమ వివరాలను ఒకసారి పరిశీలించి, ఏవైనా తప్పులు ఉంటే సవరణ చేయించుకోవాలని సూచించారు. ఎన్నికల సంఘం చేపట్టిన ప్రత్యేక ఓటరు జాబితా సవరణ కార్యక్రమాన్ని ప్రజలు సద్వినియోగం చేసుకోవాలని కోరారు.