స్నేహితుడి కుటుంబానికి అండగా నిలిచిన టెన్త్ క్లాస్ బ్యాచ్ మిత్రులు.

స్టేషన్ ఘనపూర్,జూన్24(తెలంగాణ ముచ్చట్లు):

తాటికొండ గ్రామానికి చెందిన సీనియర్ కాంగ్రెస్ పార్టీ కార్యకర్త మారపాక బుచ్చయ్య మరణం పట్ల ఆయన కుటుంబానికి టెన్త్ క్లాస్ 2004-05 బ్యాచ్ మిత్రులు అండగా నిలిచారు.మారపాక బుచ్చయ్య మృతి చెందిన విషయం తెలుసుకున్న సహచర విద్యార్థులు ఆయన కుమారుడు, తమ స్నేహితుడు మారపాక శ్రీనివాస్‌ను పరామర్శించి ప్రగాఢ సానుభూతి వ్యక్తం చేశారు. ఈ సందర్భంగా కుటుంబానికి అండగా ఉంటామనే భరోసాతో రూ.7,300 ఆర్థిక సహాయాన్ని అందజేశారు.
కష్టకాలంలో స్నేహితుడికి తోడుగా నిలవడం తమ బాధ్యతగా భావిస్తున్నామని, భవిష్యత్తులో కూడా కుటుంబానికి అవసరమైన సహాయ సహకారాలు అందిస్తామని మిత్రులు తెలిపారు. వారి కుటుంబ సభ్యులను ఓదార్చి ధైర్యం చెప్పారు.ఈ కార్యక్రమంలో మాజీ ఉప సర్పంచ్ రాములు, క్లాస్‌మేట్స్ దశరథ్, రమేష్, ఎ. కుమార్, బి. కుమార్, శ్రీకాంత్, నవీన్ తదితరులు పాల్గొన్నారు.