రాష్ట్రస్థాయి హాకీ పోటీలకు పెద్దమందడి విద్యార్థి ఎంపిక.

పెద్దమందడి,జూలై08(తెలంగాణ ముచ్చట్లు):

ఈ నెల 9, 10, 11 తేదీలలో హైదరాబాద్‌లోని గచ్చిబౌలి క్రీడా మైదానంలో నిర్వహించనున్న రాష్ట్రస్థాయి జూనియర్ హాకీ పోటీలకు పెద్దమందడి గ్రామానికి చెందిన పదో తరగతి పూర్తి చేసిన పి. శివశంకర్ ఎంపికైనట్లు పాఠశాల ప్రధానోపాధ్యాయులు శాంతన్న తెలిపారు. శారీరక విద్య ఉపాధ్యాయుడు మన్యం యాదవ్ ఈ విషయాన్ని వెల్లడించారు.ఈ సందర్భంగా ప్రధానోపాధ్యాయులు శాంతన్న మాట్లాడుతూ.. రాష్ట్రస్థాయి పోటీలలో శివశంకర్ ప్రతిభ కనబరిచి విజయం సాధించి రాష్ట్రానికి, జిల్లాకు, గ్రామానికి మంచి పేరు తీసుకురావాలని ఆకాంక్షిస్తూ అభినందనలు తెలిపారు.రాష్ట్రస్థాయి పోటీలకు ఎంపికైన శివశంకర్‌ను పాఠశాల అభివృద్ధి కమిటీ అధ్యక్షురాలు మహేశ్వరమ్మ, గ్రామ సర్పంచ్ గంగమ్మ రవి, ఉపసర్పంచ్ ఉషన్న, గ్రామ పెద్దలు, ఉపాధ్యాయ బృందం, విద్యార్థులు అభినందించి శుభాకాంక్షలు తెలియజేశారు.