జమ్మికుంట సమీపంలో రైలు కింద పడి గుర్తుతెలియని వ్యక్తి మృతి.

జమ్మికుంట టౌన్ జూలై 13 (తెలంగాణ ముచ్చట్లు):

కరీంనగర్ జిల్లా జమ్మికుంట పట్టణ పరిధిలో సోమవారం ఉదయం బిసుగిరిషరీఫ్–జమ్మికుంట రైల్వే స్టేషన్ల మధ్య దిగువ లైన్లో వెళ్లిన ఏపీ సంపర్క్ క్రాంతి ఎక్స్‌ప్రెస్ రైలు కింద పడి గుర్తుతెలియని ఓ వ్యక్తి మృతి చెందినట్లు ప్రభుత్వ రైల్వే పోలీసులు తెలిపారు.
మృతుడి వయస్సు సుమారు 60–65 సంవత్సరాలు. ఆయన లేత పింక్ రంగు టీ-షర్ట్, నలుపు రంగు నెక్కర్ (తెలుపు గీతల డిజైన్‌తో) ధరించి ఉన్నారు. మృతుడి వద్ద ఎలాంటి గుర్తింపు కార్డులు లేదా ఇతర వివరాలు తెలిపే వస్తువులు లభించలేదు.
మృతదేహాన్ని జమ్మికుంట ప్రభుత్వ ఆసుపత్రి మార్చురీలో భద్రపరిచారు. ఈ ఘటనపై ప్రభుత్వ రైల్వే పోలీస్ హెడ్ కానిస్టేబుల్ జి. తిరుపతి, రామగుండం విచారణ చేపట్టారు.
మృతుడి వివరాలు తెలిసిన వారు లేదా ఆయనను గుర్తించగలిగిన వారు 9949304574 లేదా 8712658604 నంబర్లకు సమాచారం అందించాలని ప్రభుత్వ రైల్వే పోలీసులు విజ్ఞప్తి చేశారు.