కుషాయిగూడ, జనవరి 03 (తెలంగాణ ముచ్చట్లు):
మల్కాజ్గిరి కమిషనరేట్ పరిధిలో కుషాయిగూడ మరియు నేరేడ్మెట్ పోలీసుల ఆధ్వర్యంలో శనివారం సాయంత్రం సైనిక్పురి ఎక్స్ రోడ్ వద్ద విస్తృత వాహన తనిఖీలు నిర్వహించారు. ఈ తనిఖీల్లో మొత్తం 25 మంది పోలీస్ సిబ్బంది పాల్గొన్నారు.తనిఖీల సందర్భంగా వాహనదారుల లైసెన్సులు, రిజిస్ట్రేషన్ సర్టిఫికెట్లు, బీమా పత్రాలు తదితరాలను పోలీసులు క్షుణ్ణంగా పరిశీలించారు. సరైన పత్రాలు లేని 15 వాహనాలను గుర్తించి నిబంధనల ప్రకారం స్వాధీనం చేసుకున్నారు.ట్రాఫిక్ నిబంధనలు కచ్చితంగా పాటించాలని, వాహనాలకు సంబంధించిన అన్ని చట్టబద్ధమైన పత్రాలు తప్పనిసరిగా కలిగి ఉండాలని పోలీసులు ప్రజలకు సూచించారు. ప్రజల భద్రత కోసమే ఈ తనిఖీలు చేపడుతున్నామని, భవిష్యత్తులో కూడా ఇలాంటి వాహన తనిఖీలు కొనసాగుతాయని పోలీసులు స్పష్టం చేశారు.
Comments